მოკლედ: mona.ge არის პარტიების, დროასა და გირჩი — მეტი თავისუფლების მიერ შექმნილი ერთობლივი პროექტი, სადაც დღეს მონაცემები განაახლეს.

დეტალები: პლატფორმას დაემატა

  • კულტურის ისტორიის მუზეუმის დირექტორის, გიორგი კალანდიას,
  • ასევე, ჭიდაობის ეროვნული ფედერაციის პრეზიდენტის, გეგა გეგეშიძის მონაცემები. გეგეშიძე მოხსენიებულია, როგორც "ქართული ოცნების ზონდერი."

რა წერია კალანდიაზე: Mona.ge-ს ინფორმაციით, ის პირადად იბარებს მუზეუმების თანამშრომლებს და აძლევს გაფრთხილებას პოლიტიკურ აქტიურობასთან დაკავშირებით: "მეტიც, საბჭოთა კავშირის საუკეთესო ტრადიციებით, ყველა თანამშრომელთან პირად საუბარს თუ თათბირს იწერს. მასთან დაპირისპირებას შეეწირა დადიანების მუზეუმის რამდენიმე თანამშრომელი."

არქივიდან: 2021 წელს, გამოცემა ლაივპრესთან საუბრისას, გიორგი კალანდია ზეწოლასა და სიტყვის თავისუფლების შეზღუდვაში დაადანაშაულა ელზა ზოდელავამ, დადიანების ისტორიულ-არქიტექტურული მუზეუმის ექსკურსიამძღოლმა.

რა ვიცით Mona.ge-ს მიზნებზე: პლატფორმა აცხადებს, რომ მიზანი საქართველოში არსებული რუსული რეჟიმის მორჩილებასა და სამსახურში მყოფთა მხილებაა;

  • მხილებულთა ვინაობების ციფრულ ფორმატში შენახვა მომავალი თაობებისთვის;
  • ამ ადამიანებისა და მათი ოჯახისთვის დასავლეთში გაქცევისა და თავშესაფრის მიღების მცდელობისთვის ხელის მაქსიმალურად შეშლა.
  • პროექტის ინიციატორთა თქმით, მხილებული ადამიანების სია გადაეგზავნებათ დასავლეთის ქვეყნების საქართველოში აკრედიტებულ დიპლომატიურ მისიებსა და დასავლეთის ქვეყნების საემიგრაციო სამსახურებს.