რა ხდება: ზუგდიდში საკრებულოს ფრაქცია "ერთიანი ნაციონალური მოძრაობის" 14 წევრი და აქტივის 3 თანამშრომელი პარტიას ტოვებს.

  • რადიო ათინათის ინფორმაციით, ამის შესახებ ფრაქციის თავმჯდომარემ მაია კალანდიამ განაცხადა.
  • "ბევრი ვიფიქრე უძილო ღამის შემდეგ, თუ როგორ დამეწყო და ვისთვის მიმემართა, ჩემი პირველი ადრესატი, ამ შემთხვევაში, არის საქართველოს მესამე პრეზიდენტი, მიხეილ სააკაშვილი, რომელიც ნახავს ჩვენ მიერ მიღებულ მძიმე გადაწყვეტილებას", - თქვა კალანდიამ.

დეტალები: პარტიიდან წავიდა საკრებულოს თავმჯდომარის მოადგილე თემურ ბასილაიაც.

  • ეს ის წევრები არიან, რომლებიც შიდაპარტიულ არჩევნებში ნიკა მელიას უჭერდნენ მხარს.
  • მათ რამდენიმე დღის წინ ლევან ხაბეიშვილის გადადგომა მოითხოვეს.
  • ჯერჯერობით, საკრებულოში ისინი ფრაქცია "ერთიანი ნაციონალური მოძრაობის" წევრებად რჩებიან.