რა ხდება: პროკურატურამ თბილისში, ორთაჭალაში მომხდარი საგზაო-სატრანსპორტო შემთხვევის ფაქტზე, რასაც არასრულწლოვანის სიცოცხლე ემსხვერპლა, ერთ პირს ბრალდება წარუდგინა.

დეტალები: პროკურატურის ინფორმაციით, გამოძიებით დადგინდა, რომ 21 ნოემბერს, თბილისში, გორგასლისა და კალანდაძის ქუჩების კვეთასთან, სატვირთო ავტომობილის მძღოლმა ვერ უზრუნველყო სატრანსპორტო საშუალების უსაფრთხოდ მართვა და ტროტუარზე ფეხით მოსიარულე არასრულწლოვანს შეეჯახა.

  • მიღებული დაზიანებების შედეგად დაზარალებული ადგილზე გარდაიცვალა.
  • სამართალდამცველებმა ბრალდებული იმავე დღეს დააკავეს.
  • მას ბრალდება წარედგინა მუხლით, რომელიც ავტომობილის მოძრაობის უსაფრთხოების, ან ექსპლუატაციის წესის დარღვევას ითვალისწინებს, რამაც სიცოცხლის მოსპობა გამოიწვია
  • პროკურატურა, ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით, სასამართლოს კანონით დადგენილ ვადაში მიმართავს.