დეტალები: 30 წლის ნიკა გელენიძის გარდაცვალების შესახებ ინფორმაცია რამდენიმე საათის წინ გავრცელდა.

  • ცნობა, გელენიძის გარდაცვალებაზე დაადასტურა ქვედანაყოფ თბილისის მეთაურმა, გოჩა ხორავამ.
  • მეთაურის ცნობით, გელენიძე მაშინ მოჰყვა დაბომბვაში, როდესაც დაღუპული ქართველი თანამებრძოლის ცხედრის გამოყვანას ცდილობდა.
  • საქართველოში გადმოსვენებამდე ნიკა გელენიძეს თანამებრძოლები გამოემშვიდობებიან წმინდა ვოლოდიმირის ტაძარში, ორშაბათს, 20 ნოემბერს, კიევში.

რა მოხდა: ქვედანაყოფის მეთაურმა, მთავარ არხს უთხრა, რომ

  • "დაგეგმილი იყო ოპერაცია, გარდაცვლილი თანამებრძოლის, ლევან ლობჟანიძის ცხედრის გამოსაყვანად. გზაში დაბომბვაში მოყვნენ ბიჭები და დაბომბვაში დაიღუპა გელენიძე. ვერ მიაღწიეს ბიჭებმა, ლობჟანიძე რომ გამოეყვანათ.
  • ორი აზერბაიჯანელი გვყავს დაჭრილი, ჩვენი ძმები, როლებიც ნიკოლოზთან ერთად იყვნენ. ისინი ჰოსპიტალიზებული არიან და მათ სიცოცხლეს საფრთხე არ ემუქრება."

ბოლო ხაზი: ამ კვირაში, უკრაინაში რუსეთის ომსა და ოკუპანტების შეტევებს სხვა ქართველი მებრძოლებიც ემსხვერპლნენ.