მთელ მსოფლიოში და საქართველოშიც, სულ უფრო მეტი ადამიანი ფიქრობს, რომ მეორადი ავეჯი უკეთესი არჩევანია. თუ რამდენიმე ათეული წლის წინ მეორადი ნივთის შეძენა სათაკილოდ ითვლებოდა, დღეს პირიქითაა — მეორადი ავეჯი მაღალ ხარისხთან, ორიგინალურ დიზაინთან და სოციალურად პასუხისმგებლობიან არჩევანთან ასოცირდება. მეორადი ავეჯით სახლის მოწყობა ერთგვარ ტრენდად იქცა; ინტერიერის დიზაინერები ხშირად ცდილობენ, სწორედ მეორადი ნივთებით შექმნან დახვეწილი და გამორჩეული გარემო.

თუ სახლის ავეჯით მოწყობას გეგმავთ, ან უბრალოდ ავეჯისა და დეკორატიული ნივთების შეძენა თქვენი ერთ-ერთი გატაცებაა, მაშინ ქვემოთ ჩამოთვლილი 5 მიზეზი განსაკუთრებით საინტერესო იქნება:

1. მეორადი ავეჯი უფრო ხარისხიანია

თანამედროვე ავეჯი უმეტესად მასობრივად იწარმოება, მზადდება დაბალი ხარისხის მასალით, რომელიც დასამუშავებლად მოქნილია, თუმცა გამძლეობით არ გამოირჩევა, ხოლო დაზიანების შემთხვევაში შეკეთებას არ ექვემდებარება. მასიური ხისგან — მუხის, კაკლისა თუ წაბლისგან დამზადებული ავეჯი იშვიათობადაა ქცეული. თუმცა, ვინც არჩევანს მეორად ავეჯზე აკეთებს ეცოდინება, რომ მეორადი ავეჯის მაღაზიებში სწორედ ასეთი — მასიური ხისგან დამზადებული ავეჯი — იყიდება. ესაა ნივთები, რომელთაც დროს გაუძლეს.

2. მეორადი ავეჯი უფრო ხელმისაწვდომია

ვისაც სახლის რემონტი გაუკეთებია და ხის იატაკის ან ხის ფანჯრების ფასი მოუკითხავს, ეცოდინება, რომ ხის მასალა ნამდვილი ფუფუნებაა. ასეა ავეჯის შემთხვევაშიც - ბუნებრივი ხისგან, მით უფრო მასიური ხისგან დამზადებული ავეჯი გაცილებით ძვირია, ვიდრე ე.წ. დსპ/მდფ-ით წარმოებული ავეჯი. მაგრამ თუ არჩევანს მეორად ავეჯზე აკეთებთ, შესაძლოა, ძვირფასი ხის, თუნდაც მუხის ან კაკლის მასალით წარმოებულ ნივთს გაცილებით ნაკლები ფასი ჰქონდეს, ვიდრე იმავე ზომის დსპ/მდფ-ით დამზადებულ ავეჯს.

3. მეორადი ავეჯის შეძენა საინტერესო გამოცდილებაა

ჩვეულებრივი შოპინგისგან განსხვავებით, მეორადი ავეჯის ყიდვა ერთგვარ ექსპედიციას წააგავს: შესაძლოა, მოულოდნელად ძალიან ძვირფასი ნივთი აღმოაჩინოთ, შესაძლოა, დიდხანს მოგიწიოთ სასურველი ნივთის ძებნა, იქნებ, რესტავრატორის ან დურგლის დახმარებაც დაგჭირდეთ, მაგრამ არაფერი სჯობს იმ გრძნობას როცა იცით, რომ თქვენი შენაძენი ნამდვილი აღმოჩენაა.

ვისაც ძველი ავეჯით გადატვირთულ საწყობებში სიარული დიდად არ ეხალისება, არც იმის დრო აქვს, თავად მოიძიოს რესტავრატორი და შელახული ნივთი მწყობრში მოიყვანოს, მათთვის განსაკუთრებით საინტერესოა ახალი ონლაინ მაღაზია — კოლექტორი თბილისი, რომელიც მეორადი ავეჯის მოყვარულებს კომფორტულ შოპინგს სთავაზობს. კოლექტორის ონლაინ მაღაზიაში განთავსებული ნივთები, უკვე საგულდაგულოდ შერჩეული და, რაც მთავარია რესტავრირებულია!

4. მეორადი ავეჯი უნიკალურია

გამორჩეული, ორიგინალური ნივთებით სახლის მოწყობა არც ისე მარტივია. თუმცა,

თუ არჩევანს მეორად ავეჯზე აკეთებთ, შანსი გაქვთ, სახლისთვის სრულიად უნიკალური და დახვეწილი დიზაინის ნივთი აღმოაჩინოთ. ნიმუშისთვის, კოლექტორი თბილისის ონლაინ მაღაზიაში ასეთი ნივთები შეგხვდებათ:

5. მეორადი ავეჯი ეკომეგობრული არჩევანია

ავეჯის მასობრივი წარმოება დიდ ბუნებრივ რესურსს მოითხოვს, დაბალი ხარისხით წარმოებული ავეჯი სწრაფად ფუჭდება, რესტავრირებას არ ექვემდებარება და რამდენიმე წელიწადში გადასაყრელი ხდება. როდესაც არჩევანს მეორად ავეჯზე ვაკეთებთ, ხელს ვუწყობთ ძვირფასი მასალის ცირკულირებას, ავეჯის მრავალჯერ გამოყენებას, რითაც ნაკლებ ზიანს ვაყენებთ ჩვენს პლანეტას.

მეორადი ავეჯის მნიშვნელობაზე მეტი ინფორმაციის მისაღებად ეწვიეთ კოლექტორის:

• ვებგვერდს
• ინსტაგრამს
• ფეისბუქს