რა ხდება: ევროდეპუტატი ვიოლა ფონ კრამონი საქართველოს პარლამენტის თავმჯდომარის პოსტს ეხმიანება X-ზე, სადაც შალვა პაპუაშვილი საქართველოს ევროინტეგრაციის შესახებ გავრცელებულ 5 მითზე საუბრობს.

  • კრამონი ხაზს უსვამს, რომ ევროკავშირის კანდიდატი ქვეყნის სტატუსის მოპოვება სწორედ ქართველი ხალხის დამსახურებაა:
  • "როდესაც ევროკავშირის კანდიდატი ქვეყნის სტატუსს მთელი მსოფლიო ულოცავს ქართველ ხალხს.
  • დიახ, სწორედაც, ყველა მკაფიოდ აღნიშნავს, რომ ქართველი ხალხი იმსახურებს კანდიდატის სტატუსს... და შენი მთავრობა გთხოვს, დაწერო ტვიტი, რომელიც სრულიად გაუგებარია.
  • სასაცილოა," - წერს კრამონი.

რა დაწერა შალვა პაპუაშვილმა: მან მითები უწოდა შენიშვნებს, რომ

  • ხელისუფლებამ კანდიდატის სტატუსის მოსაპოვებლად ბევრი არ იშრომა;
  • საქართველოს მთავრობა ევროპისგან დისტანცირდა;
  • ოპოზიციამ სტატუსისთვის ბევრი იშრომა;
  • კანდიდატის სტატუსი იყო გეოპოლიტიკური გადაწყვეტილება და არა საქართველოს დამსახურება.
  • ამას გარდა, მან აბსურდი უწოდა იმასაც, რომ სტატუსი იყო ხალხის დამსახურება და არა ხელისუფლების — სწორედ ამ პუნქტს გამოეხმაურა ვიოლა ფონ კრამონიც.
  • "ხალხისა და დემოკრატიულად არჩეული მთავრობის გამიჯვნა კრემლის ტაქტიკაა, რადგან დემოკრატიულ ქვეყნებში, ისეთში, როგორიც საქართველოა, მთავრობა ხალხის ნებას გამოხატავს" — წერს პაპუაშვილი და ამბობს, რომ საზოგადოების გამიჯვნას მთავრობისგან ოპოზიცია ცდილობს.