სიტკომების ისტორიაში Friends-ს დღემდე გამორჩეული ადგილი უჭირავს. წლების შემდეგაც კი ბევრი ჩვენგანი სერიალის ისევ უყურებს და რაც მთავარია, არ ჰბეზრდება. ამ სტატიაში Friends-ის შესახებ აქამდე უცნობი ფაქტების შესახებ გიამბობთ, რომლებიც აქამდე ალბათ არ იცოდი.

1. ჯულია რობერტსი Friends-ში გამოჩენაზე მეთიუ პერიმ დაითანხმა

ჯულია რობერტს მეთიუ პერიმ ყვავილები და ბარათი გაუგზავნა, რომელშიც ეკითხებოდა, სურდა თუ არა Friends-ში მოეწვიათ და ერთ-ერთ სერიაში ეთამაშა. სერიალის აღმასრულებელი პროდიუსერი იხსენებს, რომ ჯულიამ მეთიუს ასეთი პასუხი მისწერა: კვანტურ ფიზიკაზე ნაშრომი დაწერე, გამომიგზავნე და ამას გავაკეთებ". მეთიუ ასეც მოიქცა და ჯულია რობერტს მეორე დღეს ნაშრომი ფაქსით გაუგზავნა.

2. "დაფრენდზონება" Friends-ში ხსნების შემდეგ გახდა პოპულარული

ტერმინი "დაფრენდზონება" აშშ-ში პოპულარული სწორედ სერიალ Friends-ის მეშვეობით გახდა. ეპიზოდში, სახელად The One with the Blackout, ჯოი როსს ეუბნება, რომ რეიჩელმა დააფრენდზონა, რაც მაყურებელმა მაშინვე აიტაცა.

3. რეიჩელისა და ემილის სახელების შეშლის ინსპირაცია რეალური შეცდომა იყო

Friends-ის მაყურებლებს კარგად ახსოვთ ის სცენა, რომელშიც როსი საქორწინო ფიცის დადებისას ემილის ნაცვლად რეიჩელს ამბობს. ამ მომენტის ინსპირაცია რეალური შეცდომა ყოფილა, როცა დევიდ შვიმერმა შემთხვევით თქვა: "რეიჩელ ტაქსი მოვიდა", რეალურად კი ემილი უნდა ეთქვა. ამის გაგონებაზე შოუს პროდიუსერს გენიალური იდეა მოუვიდა!

4. მონიკასა და ჩენდლერის წყვილი მაყურებლის რეაქციის გამო შედგა

მეოთხე სეზონის ბოლოს მონიკასა და ჩენდლერის სექსის სცენას აუდიტორიაში იმხელა ოვაციები მოჰყვა, რომ რეჟისორებმა სცენარის შეცვლა გადაწყვიტეს. თავიდან მონიკასა და ჩენდლერის სასიყვარულო ურთიერთობა არ იგეგმებოდა და ამ ღამეს უბრალოდ "სახალისო შეცდომად" განიხილავდნენ. თუმცა მაყურებლის რეაქციის შემდეგ შოუს პროდიუსერებმა გადაწყვიტეს, რომ მონიკასა და ჩენდლერის წყვილი დაეტესტათ.

5. მეთიუ პერიმ Friends-დან ის სცენა ამოაღებინა, რომელშიც მონიკასთვის უნდა ეღალატა

მსახიობ ლიზა კეშის თქმით, რომელიც Friends-ის მე-5 სეზონის ერთ-ერთ სერიაში გამოჩნდა, ჩენდლერს მონიკასთვის სწორედ მის პერსონაჟთან უნდა ეღალატა, რაზეც მეთიუ პერიმ უარი განაცხადა და სცენარის ცვლილება მოითხოვა. გადაღების წინ მეთიუ პერი სცენარისტებთან მივიდა და უთხრა, რომ მაყურებელი ჩენდლერს მონიკას ღალატს არასდროს აპატიებდა.

6. Friends-ში ხუმრობებს მაყურებლის რეაქციის მიხედვით არჩევდნენ

Friends-ში ხუმრობებს რეჟისორები იმის მიხედვით არჩევდნენ, თუ როგორ რეაგირება მაყურებელი გადაღებების დროს. თუ მაყურებელს არ ეცინებოდა, პერსონაჟების ფრაზებს თავიდან წერდნენ. მსახიობები კი ერთი და იგივე ხუმრობის რამდენიმე ვარიანტს ამბობდნენ, რათა მიმხვდარიყვნენ, მაყურებელს რომელი უფრო მოსწონდა. ამ ყველაფრის გამო კი, გადაღებები ხშირად შუაღამემდე გრძელდებოდა.

7. Friends-ის ცნობილი ინდაური ნამდვილი არ არის

ინდაური, რომელიც მონიკამ და ჯოიმ თავზე დაიდეს, ნამდვილი სულაც არ ყოფილა. მართალია, შოუს რეჟისორებს თავიდან ნამდვილი ინდაურის გამოყენება სურდათ, თუმცა როცა ჯოის სცენას იღებდნენ, ისეთი დიდი ზომის ინდაური ვერსად იპოვეს, რომელიც ადამიანის თავს მოერგებოდა.

8. შოუს 7 მთავარი პერსონაჟი უნდა ჰყოლოდა

მას შემდეგ, რაც Friends-ის ექვსეულზე მსახიობები შეარჩიეს, შოუს რეჟისორებს მე-7 მთავარი პერსონაჟის დამატება სურდათ. ამის მიზეზი კი ისაა, რომ სერიალის ექვსივე მთავარი პერსონაჟი ახალგაზრდა იყო და რეჟისორები შიშობდნენ, რომ Friends შედარებით ასაკოვან ხალხში პოპულარული არ იქნებოდა. მე-7 პერსონაჟისთვის კასტინგიც კი ჩატარდა, თუმცა ვერავინ შეარჩიეს და ბოლოს NBC-მ გადაწყვიტა, შოუს 6 მთავარი პერსონაჟი ჰყოლოდა.

9. ბრიუს უილისმა Friends-ში მეთიუ პერისთან ნაძლევის წაგების გამო ითამაშა

Friends-ის ერთ-ერთ ეპიზოდში მაყურებელმა ბრიუს იულისი იხილა, რისი მიზეზიც წაგებული ნაძლევი ყოფილა. ბრიუს უილისს ფილმ The Whole Nine Yards-ის წარმატების არ სჯეროდა, რაზეც მეთიუ პერი დაენაძლევა. თუ ფილმი წარმატებული აღმოჩნდებოდა, ბრიუსს Friends-ში უნდა მიეღო მონაწილეობა და ასეც მოხდა.

10. დაბოლოს, ჯოის ჩენდლერის ყველა ტანსაცმელი არ სცმია

ეპიზოდში, სახელად The One Where No One's Ready, გაბრაზებული ჯოი ჩენდლერის ყველა ტანსაცმელს იცვამს. თუმცა როგორც კოსტიუმების დიზაინერმა განაცხადა, ჯოის რეალურად ერთი სამოსი აცვია, რომელიც წინიდან სულ სხვანაირად ჩანს. ჯოის ჩაცმულობას თუ უკნიდან დააკვირდებით, შენიშნავთ, რომ ზურგიდან მართლაც ერთი კოსტიუმი ჩანს.

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…