ლეგენდარული მოდელები ნაომი კემპბელი და კეიტ მოსი სულ მალე ბრიტანული Vogue-ის ოფისში ერთ-ერთ ყველაზე მაღალ და საპასუხისმგებლო თანამდებობას დაიკავებენ, ისინი რედაქტორის თანაშემწეები იქნებიან. მათთან ერთად იმუშავებს ფილმ 12 Years a Slave-ის რეჟისორი სტივ მაქუინიც, რომელმაც აღნიშნული ფილმისთვის ოსკარი მიიღო.

მოდელებისა და რეჟისორის ამ თანამდებობაზე დანიშვნის გადაწყვეტილება ბრიტანული ვოგის ახალმა რედაქტორმა ედვარდ ინინფულმა მიიღო, რომელიც საკუთარი მოვალეობის შესრულებას პირველ აგვისტოს დაიწყებს.

"ბედნიერი ვარ, რომ კეიტი, სტივი და ნაომი ჩემთან ერთად იმუშავებენ. ნაომისა და კეიტს, როგორც სუპერმოდელებს და სტილის შემქმნელებს, დიდი გავლენა ჰქონდათ და აქვთ დღევანდელ კულტურაზე", ამბობს ედვარდ ინინფული.