რა ხდება: გუშინ, 6 ნოემბერს, რუსმა ოკუპანტებმა საქართველოს მოქალაქე მოკლეს.

  • უკანონოდ არის დაკავებული კიდევ ერთი პირი.
  • შემთხვევა გორის მუნიციპალიტეტის სოფელ კირბალის მიმდებარედ, ოკუპირებულ ტერიტორიაზე მოხდა.

დეტალები: რუსეთის საოკუპაციო ძალების მიერ, თამაზ გინტურის მკვლელობის ფაქტთან დაკავშირებით, დღეს, 7 ნოემბერს პარლამენტთან აქციები დაორგანიზდა.

  • სტუდენტური მოძრაობა "თავისუფლებისთვის" დღეს, 19:00 საათზე პარლამენტის წინ აქციას გამართავს, სახელწოდებით "რუსული ბოროტების წინააღმდეგ!"
  • "ჩვენი თანამემამულის, თამაზ გინტურის მიმართ ნასროლი ტყვია, არის ქართული სახელმწიფოს და მისი თითოეული მოქალაქის მიმართ გასროლილი ტყვია", — აღნიშნულია ღონისძიების აღწერაში.
  • აქციას გამართავს პარტია ლელო საქართველოსთვის ახალგაზრდული ფრთაც.
  • ორგანიზატორთა განცხადებით, აქციაზე არ იქნება მიკროფონი და სიტყვით გამოსვლები.
  • "გთხოვთ, წამოიღოთ სანთლები და საქართველოს დროშები", — წერენ ისინი.
  • აქცია ჩანიშნულია 7 ნოემბერს, 19:00 საათზე, პარლამენტის წინ.