ბავშვები იმაზე სწრაფად იზრდებიან, ვიდრე წარმოგვიდგენია, თანამედროვე სამყაროში კი ეს უფრო თვალშისაცემი ხდება. მათი მოთხოვნები ჩვენი დროის ბავშვობისგან მნიშვნელოვნად განსხვავდება: თუ ჩვენ არც ინტერესი გვქონდა და დიდად არც შესაძლებლობა, რომ ფინანსებთან შეხება გვქონოდა, დღევანდელ დღეს ვითარება სხვანაირადაა. ამის გათვალისწინებით კი რისკებიც გაიზარდა.

საქართველოს ბანკის მომხმარებლებმა უკვე იცით, რომ არსებობს სპეციალურად მოსწავლეების ინტერესებზე მორგებული და მათთვის შექმნილი sCool Card, რომლითაც შესაძლებელია შეღავათიან ფასად მგზავრობა, მრავალფეროვანი შეთავაზებით სარგებლობა და კიდევ უამრავი რამ. თუმცა, ამასთან ერთად ასევე სპეციალურად მოსწავლეებისთვის შეიქმნა sCoolApp, რომელიც, როგორც მშობლებსა და მეურვეებს, ასევე, სკოლის მოსწავლეებს ცხოვრებას უადვილებს.

რას გვთავაზობს sCoolApp?

ოპერაციების დამოუკიდებლად შესრულება

აპლიკაცია საშუალებას იძლევა, სკოლის მოსწავლეებმა დამოუკიდებლად შეასრულონ საბანკო ოპერაციები, გადარიცხონ თანხა, გაყონ კაფესა თუ ნებისმიერ ადგილში გაწეული ხარჯი სხვასთან, გაუგზავნონ თანხის მოთხოვნა მშობელს ან მეგობარს, შეივსონ მობილურის ბალანსი და ეს ყველაფერი გააკეთონ ფერად და სახალისო აპლიკაციაში, რომლის დიზაინის არჩევაც თავად ბავშვს შეუძლია.

ფინანსური განათლება

ზემოთ ვახსენეთ რისკები, ეს რისკები კი შეიძლება იყოს ბევრნაირი. ამისგან საქართველოს ბანკის მომხმარებლები მაქსიმალურად დაცულები არიან, თუმცა ზოგადი საფრთხე მაინც დიდია. გარდა იმისა, რომ აპლიკაცია ბავშვებისთვის სრულიად უსაფრთხოა, sCoolApp-ში მათ შეუძლიათ, ფინანსური განათლება მიიღონ. აპლიკაციაში ისინი ე.წ. სთორების სახით სხვადასხვა თემაზე, მარტივ ენაზე მნიშვნელოვან ინფორმაციას მიიღებენ, რაც მათ ფინანსური ოპერაციების შესრულებას გაუადვილებს.

ბავშვების ანგარიშებზე წვდომა

საფრთხეებს აზღვევს ისიც, რომ თქვენ, მშობლები ან მეურვეები, შეძლებთ, ბავშვების ანგარიშები თქვენითვე მობილბანკში ნახოთ, დაადგინოთ, რა თანხის დახარჯვა შეუძლია მას დღიურად და ბარათის დაკარგვის შემთხვევაში პირადი აპლიკაციიდან რამდენიმე წამში შეძლებთ მის დაბლოკვას.

შეთავაზებები და აქციები

sCoolApp გამორჩეულია მრავალფეროვანი აქციებით. სპეციალურად სკოლის მოსწავლეებისთვის მათ საყვარელ მაღაზიებსა თუ კვების ობიექტებში მუდმივი, თითქმის ყოველდღიური ფასდაკლებებია. შეთავაზებების შესახებ ინფორმაცია აპლიკაციაშივეა ხელმისაწვდომი და აქედანვე ხდება მათი გააქტიურდება.

სხვა სამყარო

და ეს ყველაფერი არ არის. sCoolApp-ში ახალი თამაში სხვა სამყარო გამოჩნდა, რომელიც აპლიკაციის მომხმარებლებისთვის საყვარელი აქტივობა უკვე გახდა. სხვა სამყარო სკოლის მოსწავლეებისთვის 12-თვიანი თავგადასავალია, სადაც ისინი სახალისო, საინტერესო და ილუსტრაციებით სავსე მისიებს ასრულებენ. მისიების შესრულებით ისინი ქულებს, გლითერებს აგროვებენ, რომელიც მათ ახალ ეტაპზე გადასვლაში ეხმარება. მისიები კი, რა თქმა უნდა, ისეთ კითხვებს მოიცავს, რომლებიც მეხსიერებაზე, ყურადღებასა და ლოგიკაზეა დამყარებული. და თუ ბავშვები აქტიურად ითამაშებენ და პროგრესს მიაღწევენ, მათ ბევრი სიურპრიზი, სიახლე და ჯილდო ელოდებათ.

დღეს, როცა ვცდილობთ, დრო მაქსიმალურად დავზოგოთ და ეს მორჩენილი დრო უფრო სასარგებლო რაღაცების კეთებაში დავხარჯოთ, sCoolApp ამაში მშობლებს განსაკუთრებით ეხმარება.

sCoolApp-ში დასარეგისტრირებლად აუცილებელია აქტიური sCool Card ან ასაკი 6-17 წლამდე. ბარათის გააქტიურება და აპლიკაციით სარგებლობა მშობლის ან მეურვის ნებართვით არის შესაძლებელი.