მსახიობი დენიელ რედკლიფი დოკუმენტური ფილმის აღმასრულებელი პროდიუსერი იქნება, რომელიც ჰარი პოტერის ფილმში მის დუბლიორზე იქნება. დუბლიორი ჰარი პოტერის გადაღებებისას დაშავდა, რის შემდეგაც პარალიზებული გახდა.

კომპანია Sky-ის და HBO-ის პროექტი David Holmes: The Boy Who Lived თინეიჯერ ტანმოვარჯიშეზე მოყვება, რომელიც დენიელ რედკლიფის დუბლიორი იყო და ჰარი პოტერის როლს ასრულებდა. ის ფილმ ჰარი პოტერი და სიკვდილის საჩუქრები: ნაწილი 1-ის გადაღებებზე იყო, როდესაც წინასწარ დაგეგმილმა აფეთქებამ, რომელიც ტრიუკის ნაწილი იყო, ისე არ იმუშავა, როგორც გეგმავდნენ და მსახიობს ხერხემლის მძიმე დაზიანება მიაყენა. ამან ჰოლმსის მკერდს ქვემოთ პარალიზება გამოიწვია.

ფილმში ჰარი პოტერის გადაღებებიდან კადრს მიღმა სცენებს ვნახავთ, ასევე, მონატრებულ მსახიობებს, მათ პირად ისტორიებს თუ სასაცილო მომენტებს, თუმცა მთავარი ფოკუსი დევიდ ჰოლმსის ისტორია იქნება, რომლის ცხოვრებაც ამ უბედურმა შემთხვევამ თავდაყირა დააყენა. ფილმის აღმასრულებელი პროდიუსერი თავად ჰოლმსიც იქნება. პრემიერა კი ნოემბერში შედგება.