რა ხდება? პარლამენტის ცნობით, პიროტექნიკის გამოყენების საკანონმდებლო რეგულირებასთან დაკავშირებით, სამუშაო შეხვედრა გამართეს. ისინი აპირებენ, უკიდურესად შეიზღუდოს პიროტექნიკის გამოყენება.

დეტალები: საკანონმდებლო ინიციატივა პარლამენტის ოპოზიციონერ დეპუტატებს, არმაზ ახვლედიანსა და ანა ნაცვლიშვილს ეკუთვნის.

  • შეხვედრაში, პარლამენტის წევრებთან მიხეილ სარჯველაძესთან, მაია ბითაძესთან, არმაზ ახვლედიანთან და ანა ნაცვლიშვილთან ერთად, სხვადასხვა სახელმწიფო უწყების წარმომადგენლები მონაწილეობდნენ.
  • დეპუტატებმა იმსჯელეს, რომელ მოდელს უნდა მიენიჭოს კანონმდებლის მიერ უპირატესობა პიროტექნიკასთან დაკავშირებით,
  • და რა ალტერნატივები შეიძლება იყოს განსახილველი გარდა იმისა, რაც არმაზ ახვლედიანისა და ანა ნაცვლიშვილის საკანონმდებლო ინიციატივითაა შეთავაზებული.
  • საკანონმდებლო ინიციატივის ავტორებმა - არმაზ ახვლედიანმა და ანა ნაცვლიშვილმა კონკრეტულ შემთხვევებსა და პირად გამოცდილებებზე ისაუბრეს.

რას აპირებენ? როგორც პრესსამსახურის მიერ გავრცელებულ ცნობაში წერია:

  • "აღინიშნა, რომ პიროტექნიკის იმპორტის სრულად აკრძალვას შეიძლება ჰქონდეს უარყოფითი ეფექტები,
  • შესაბამისად, დღის წესრიგში დადგა ალტერნატივების განხილვის საჭიროება.
  • განხილეს კომპლექსური მიდგომის ვარიანტი, რომელიც გულისხმობს უკიდურესად შეიზღუდოს პიროტექნიკის გამოყენება, რომელიც არამართლზომიერია და სხვა პირთა უფლებებს ხელყოფს.
  • და, ამასთანავე, გაუმჯობესდეს დაწესებული შეზღუდვების ზედამხედველობისა და აღსრულების სისტემა".