ინტერნეტი ახლახან აღმოჩენილმა ფოტოებმა მოიცვა, რომელიც აჩვენებს, რომ ამელია ერჰარტი შესაძლოა 1937 წელს მომხდარ სავარაუდო ავარიას გადაურჩა.

ცნობილი ავიატორი ქალის და მისი შტურმანის, ფრედ ნუნანის ბედი ამ დრომდე იდუმალებით იყო მოცული. თუმცა ახლახან აღმოჩენილი ფოტოს მიხედვით, შესაძლოა ყველაფერს ნათელი მოეფინოს.

1937 წლის 2 ივლისს, ამელია თავის შტურმანთან ერთად მაშინ გაუჩინარდა, როდესაც ისინი წყნარი ოკეანის სამხრეთ ნაწილში პაპუა-ახალი გვინეასკენ მიფრინავდნენ.

ერჰარტი ბოლო რადიო გადმოცემაში იუწყებოდა, რომ თვითმფრინავს საწვავი ელეოდა. აქედან გამომდინარე, ადამიანების დიდ ნაწილს სჯეროდა, რომ მფრინავები ოკეანეში ჩაიკარგნენ.

სხვა ვერსია აქვს FBI-ის ყოფილ თანამშრომელ შონ ჰენრის. მისი თქმით, ამელია და მისი მეგზური გადარჩნენ და მიწაზე მშვიდობიანად დაეშვნენ, თუმცა ისინი იაპონელებმა დააპატიმრეს. ეს თეორია უკვე წლებია არსებობს, თუმცა მისი დამამტკიცებელი ფოტო სულ ცოტა ხნის წინ გავრცელდა.

ფოტო: National Archives

FBI-ის ყოფილი თანამშრომელი ამტკიცებს, რომ ამ ფოტოზე ფრედი და ამელია არიან, მარშალის კუნძულების სანაპიროზე, რომელიც იმ დროისთვის იაპონიას ჰქონდა დაპყრობილი.

ფოტო: National Archives

"ეს სრულიად ცვლის ისტორიას, მგონი, ჩვენ დავამტკიცეთ, რომ ის გადარჩა და საიპანის კუნძულზე იაპონელების ტყვედ იმყოფებოდა. ამელია სავარაუდოდ იქ გარდაიცვალა", ამბობს საგამოძიებო ბიუროს ყოფილი თანამშრომელი შონ ჰენრი.

ფოტო: Purdue University Archives

ფოტო: Getty Images

ფოტო: Getty Images