მომღერალმა გრაიმსმა, რომლის ნამდვილი სახელიც კლერ ბუშერია, ბიზნესმენ ილონ მასკს შვილებზე მეურვეობის მოსაპოვებლად სასამართლოში უჩივლა. მომღერალი მასკს სოციალურ ქსელში გამოქვეყნებულ პოსტში ადანაშაულებდა, რომ ყოფილი პარტნიორი ერთ-ერთ შვილთან კონტაქტის საშუალებას არ აძლევდა. მომღერალმა პოსტი მოგვიანებით წაშალა.

ილონ მასკმა და გრაიმსმა შეხვედრა 2018 წელს დაიწყეს და 2020 წელს პირველი ვაჟიც შეეძინათ, რომელსაც თავიდან X Æ A-1 დაარქვეს და შემოკლებით X-ს ეძახიან. მათ მეორე შვილი შემდეგ წელს გაუჩნდათ, სახელად Exa Dark Sideræl (იგივე Y), მესამე კი, Tau, 2022 წლის ივნისში. ფართო საზოგადოებამ არ იცოდა, რომ წყვილს მესამე შვილიც შეეძინა, რაც ცოტა ხნის წინ გამოშვებული ილონ მასკის ბიოგრაფიის საშუალებით გაირკვა. ბიზნესმენს სულ 11 შვილი ჰყავს.

მოგვიანებით გავრცელდა ინფორმაცია, რომ წყვილი დაშორდა. გრაიმსი და ილონ მასკი ამის შემდეგ ცოტა ხნით ისევ შერიგდნენ, თუმცა საბოლოოდ, მომღერალმა 2022 წლის მარტში განაცხადა, რომ ბიზნესმენთან ურთიერთობა საბოლოოდ გაწყვიტა.

ილონ მასკს კიდევ ორი საქმის გამო უჩივიან, რომელიც მის სოციალურ ქსელში გავრცელებულ პოსტსა და ასევე, ტვიტერის სახელის შეცვლას ეხება.