დიდი ბრიტანეთის ექსეტერის უნივერსიტეტი პირველი იქნება, რომელიც სტუდენტებს მაგიის შემსწავლელ პროგრამას შესთავაზებს. პროგრამა ერთწლიანი იქნება და მსურველების მიღება 2024 წლიდან დაიწყება. სამაგისტრო პროგრამის დამთავრებულებს კი, ხარისხი მაგიასა და ოკულტურ მეცნიერებებში ექნებათ.

ახალი სამაგისტრო პროგრამის შინაარსი ძირითადად მაგიის ისტორიის სწავლებაზე იქნება დაფუძნებული. ისტორიის, ლიტერატურის, ფილოსოფიის, არქეოლოგიის, სოციოლოგიის, ფსიქოლოგიის და რელიგიის მცოდნე აკადემიკოსები სტუდენტებს მაგიის ისტორიასა და მის როლზე მრავალმხრივ ცოდნას შესთავაზებენ.

"მაგიისა და ოკულტიზმის შესახებ ბოლო კვლევამ გამოავლინა, რომ ამ საკითხის მიმართ დიდი ინტერესია როგორც აკადემიაში, ასევე მის ფარგლებს გარეთ. როგორც ჩანს, სწორედ ეს საკითხები დგას საზოგადოებისთვის ყველაზე აქტუალური კითხვები ცენტრში", — განაცხადა მაგიისა და ოკულტიზმის კურსის ხელმძღვანელმა, ემილი სელოვმა.

უნივერსიტეტის თქმით, ახალ კურსს სტუდენტები ისეთი კარიერისთვის შეუძლია მოამზადოს, რომელიც მენტორობას, მასწავლებლობას და ასევე მუზეუმთან, ბიბლიოთეკასთან და საგამომცემლო საქმიანობასთან დაკავშირებულ პროფესიებს ეხება. მაგიისა და ოკულტიზმის მოდულები მრავალფეროვანი იქნება, ძირითადი მიმართულებები კი ხელოვნებას, ლიტერატურას, არქეოლოგიასა და ისტორიას უკავშირდება.