მართალია, ჯერჯერობით არ ვიცით, მარველის ახალ სპაიდერმენის ფილმს როდის ვიხილავთ, თუმცა Sony 2024 წელს ახალ ფილმ Madame Web-ს უშვებს, რომელშიც ეიფორიას ვარსკვლავი სიდნი სვინი სპაიდერვუმენის როლს შეასრულებს.

კომპანია რამდენიმე წელია სპაიდერმენის სამყაროს პერსონაჟებზე საავტორო უფლებებს ფლობს, რის ფარგლებშიც სხვადასხვა პროექტი უკვე განახორციელა, მაგალითად Venom-ის პირველი და მეორე ნაწილი და მორბიუსი. საინტერესო და უცნაური ისაა, რომ სონის გადაღებულ ფილმებში ჯერჯერობით თავად სპაიდერმენი არ ჩანს.

სვინი ჯულია კარპენტერის როლს ასრულებს, რომელიც კომიქსებში მეორე სპაიდერვუმენია. ფილმში მთავარ, მადამ ვების როლში, დაკოტა ჯონსონი იქნება. სიდნის თქმით, ძალიან ღელავდა, რის გამოც როლზე დამტკიცებისთანავე კომიქსების მაღაზიაში ყველა ის კომიქსი იყიდა, რომელშიც მისი პერსონაჟი იყო ნახსენები.

ფილმის პრემიერა 2024 წლის 14 თებერვალს შედგება. ნახეთ ტრეილერი: