ბევრი არ ელოდა, რომ ოდესმე ტეილორ სვიფტისა და სპორტის სამყარო ერთმანეთთან გადაიკვეთებოდა, თუმცა ტეილორი რის ტეილორი იქნებოდა, ჩვენი გაოცება რომ არ მოეხერხებინა?

ცოტა ხნის წინ ჭორები გავრცელდა, რომ ტეილორ სვიფტი, რომელმაც მსახიობ ჯო ალვინთან 6-წლიანი ურთიერთობა დაასრულა, ფეხბურთელ ტრევის კელსს ხვდება. ტრევისმა პოდკასტში თქვა, რომ სვიფტის კონცერტს დაესწრო და მისთვის "მეგობრობის სამაჯურიც" დაამზადა, რომელშიც საკუთარი მობილურის ნომერი ჩაწერა. ფეხბურთელი იმედგაცრუებული იყო, რადგან მომღერლისთვის სამაჯურის გადაცემა ვერ მოახერხა.

ტრევისმა მოგვიანებით ინტერვიუში თქვა, რომ ნახა, როგორ წარმატებით ავსებს ტეილორი სტადიონებს თავის კონცერტებზე, შემდეგ კი მომღერალი საკუთარ თამაშზე დაპატიჟა. ტეილორმა მიპატიჟება მიიღო.

24 სექტემბერს სვიფტი ამერიკული ფეხბურთის მატჩს ტრევისის დედასთან ერთად დაესწრო და ნათლად დაგვანახა, ვის გულშემატკივრობდა. სპორტის სფეროს წარმომადგენლებმა სწორად იწინასწარმეტყველეს: ტეილორის წყალობით, ტრევის კელსმა და მატჩმა იმაზე დიდი ყურადღება დაიმსახურა, ვიდრე ვინმე წარმოიდგენდა.

მართალია, სვიფტისა და კელსის ურთიერთობა ოფიციალურად არცერთ მხარეს არ დაუდასტურებია, თუმცა ტეილორის ფანები უკვე ამერიკულ ფეხბურთში გარკვევას ცდილობენ და მათი ურთიერთობის შესახებ საკუთარ აზრს სოციალურ ქსელებში ხუმრობებითა და მიმებით გამოთქვამენ.

წარმოგიდგენთ ინტერნეტის საუკეთესო რეაქციებს:

1. "ვალდებული ვარ თუ არა მე, როგორც ტეილორ სვიფტის ფანი, ფეხბურთით დავინტერესდე?"

2. "კაცები, რომელთაც ფეხბურთი უყვართ და ტეილორ სვიფტი სძულთ, ახლა კედლებს მუშტებს უშენენ"

3. "როგორ სთხოვს ტრევის კელსი თანაგუნდელებს, რომ ტეილორის წინ კიდევ ერთი გაატანინონ"

4. "ფეხბურთის ეროვნული ლიგის მაუწყებლობის სცენარისტები ამზადებენ ტეილორ სვიფტის სიმღერების ტექსტებით სიტყვათა თამაშს მას შემდეგ, რაც ტეილორი მატჩს ტრევის კელსის დედასთან ერთად დაესწრო"

5. "სვიფტის ფანები მას შემდეგ, რაც ტეილორის გამო ფეხბურთის ერთ თამაშს უყურეს"

6. "ტეილორ სვიფტი ბრიტანელ კაცებს აღარ ხვდება. ჩვენ გვიყვარს ფეხბურთი. ჩვენ გვიყვარს ამერიკა. ჯო ალვინი [ტეილორის ყოფილი შეყვარებული] კანონიერი პრეზიდენტი აღარაა"

7. "ფეხბურთის ფანები თავს იტყუებენ, თუ არ ჰგონიათ, რომ ტეილორ სვიფტი თამაშებზე მეტ ფანს მოიყვანს. მატჩის დროს ჩემს ოჯახში ყველა ქალი ეკრანს იყო მიწებებული"

თუ მუსიკა შენი ცხოვრების განუყოფელი ნაწილია და ამ თემაზე მეტის გაგება გინდა, შემოგვიერთდი ჯგუფში ერთი სიმღერაც და...