პარტია ქართული ოცნების თბილისის მერობის კანდიდატმა, კახა კალაძემ ინგა გრიგოლიას გადაცემა რეაქციაში განმარტა, თუ რატომ არ მივიდა ელიავას ბაზრობაზე ხანძრის გაჩენის შემდეგ, ისევე როგორც ოპოზიციური პარტიების წარმომადგენლები. კალაძის თქმით, მისი მხრიდან არასწორი საქციელი იქნებოდა, ვინაიდან დედაქალაქს ჯერ ჰყავს მოქმედი მერი:

"როდესაც მერობის კანდიდატი მიდის და ზურგს უკან ფონად არის ცეცხლწაკიდებული ბაზრობა და გაუბედურებული ადამიანები, კამერების წინ კეკლუცობა, ჩემი მხრიდან არასწორი იქნებოდა".

2 ივლისის საღამოს თბილისში, ელიავას ბაზრობის ტერიტორიაზე ხანძარი გაჩნდა. 2500 კვადრატულ მეტრზე გავრცელებული ხანძრის ჩასაქრობად 30-მდე სახანძრო-სამაშველო ჯგუფი და 150-მდე მეხანძრე-მაშველი მუშაობდა.