ამის შესახებ განცხადებას შინაგან საქმეთა სამინისტრო ავრცელებს.

რატომ არის მნიშვნელოვანი: უწყების ინფორმაციით, ბრალდებულებმა ადამიანებით ვაჭრობის გეგმა შეიმუშავეს.

  • გეგმის სისრულეში მოყვანისთვის, ისინი დაზარალებულებს, მათ შორის, შშმ პირს, თბილისში, სხვადასხვა ადგილას მოწყალების თხოვნას აიძულებდნენ, ამ გზით მოპოვებულ ფულად თანხას კი ისაკუთრებდნენ.
  • იმ შემთხვევაში, თუ დაზარალებულები მოთხოვნებს არ დაემორჩილებოდნენ, მათ სიტყვიერად და ფიზიკურად უსწორდებოდნენ.

დეტალები: დაკავებულებს შორის არიან საქართველოს და უცხო ქვეყნის მოქალაქეები.

  • დანაშაული 12-დან 15 წლამდე ვადით თავისუფლების აღკვეთას ითვალისწინებს.