რა მოხდა: აგვისტოს თვეში საინფორმაციო სააგენტო cnews-მა გაავრცელა ფოტოები, რომლებიც ირაკლი ღარიბაშვილის აშშ-ში ყოფნისას, მანჰეტენზეა გადაღებული.

  • მომხდარს მალე მოჰყვა უკმაყოფილება საზოგადოებასა და პოლიტიკურ წრეებში.
  • ღარიბაშვილს ორმაგ სტანდარტში ადანაშაულებდნენ, ამბობდნენ, რომ ქვეყანა რუსული გზით მიჰყავს, თავად კი აშშ-ში ისვენებს.
  • გაიჟღერა ბრალდებებმა მგზავრობის ხარჯების დაფინანსებასთან დაკავშირებითაც.

მთავრობის სტრატკომში ამბობენ, რომ საზოგადოების შეცდომაში შეყვანის მიზნით ცრუ ინფორმაცია მიზანმიმართულად ვრცელდება.

  • მათი მტკიცებით, პრემიერის აშშ-ში ჩაფრენის ხარჯები ბიუჯეტიდან არ გაწეულა.
  • "პრემიერმინისტრი როგორც ოფიციალური და სამუშაო, ისე კერძო ვიზიტების დროს აშშ-ში მგზავრობს სამგზავრო თვითმფრინავით, სხვადასხვა ავიაკომპანიის რეგულარული, კომერციული რეისებით. კიდევ ერთხელ განვმარტავთ, რომ საუბარი იყო ჩარტერულ ფრენაზე, რომელიც განხორციელდა თბილისიდან ევროპის ერთ-ერთი ქალაქის მიმართულებით, ხოლო აშშ-ის მიმართულებით პრემიერმინისტრი რეგულარული რეისით გაემგზავრა", — აცხადებენ ისინი.
  • სტრატეგიული კომუნიკაციების დეპარტამენტის უფროსმა, ნინო გიორგობიანმა კი სოციალურ ქსელში დაწერა, რომ პრემიერი აშშ-ში შვილთან ერთად გაემგზავრა, რომელსაც პენსილვანიის უნივერსიტეტში სასწავლო წელი ეწყებოდა.