რამდენიმე დღის წინ ლას-ვეგასში გამართულ კონცერტზე ადელმა შოუ შეაჩერა, როდესაც შეამჩნია, რომ დაცვის წევრი ერთ-ერთ ფანს აწუხებდა.

როგორც მოგვიანებით ინტერნეტში გავრცელებულ ვიდეოში ჩანს, ფანი ფეხზე იდგა და მღეროდა, რის გამოც მის უკან მჯდომმა დამსწრემ შენიშვნა მისცა და უთხრა, რომ სხვებს კონცერტით დატკბობაში ხელს უშლიდა.

ამის შემდეგ, ადელმა ახალი სიმღერის დაწყებისას დამსწრეებს ფეხზე წამოდგომისკენ მოუწოდა და როცა ფანი ასეც მოიქცა და ხმამაღლა სიმღერა გააგრძელა, დაცვის წევრი მასთან სასაყვედუროდ მივიდა.

როგორც აღმოჩნდა, ეს ადელმა შეამჩნია, სიმღერა შეწყვიტა და ფანს გამოესარჩლა:

"რატო აწუხებთ ყველანი? შეგიძლიათ თავი დაანებოთ? აღარ შეგაწუხებენ, ძვირფასო. შოუთი დატკბი!", — მიმართა მან ფანს.

მოგვიანებით, მომხდარის შესახებ ბიჭმა სოციალურ ქსელში პოსტი გამოაქვეყნა და ადელს მადლობა გადაუხადა.

"წელზე მეტხანს ვგეგმავდი ამ კონცერტზე მოსვლას და ბოლოს მომეცა საშუალება, მენახა ყველაზე ლამაზი და დიდებული ქალი, რომელიც დედამიწაზე დადის. არ ველოდი, რომ ჩემს სექციაში ვინმე გაბრაზდებოდა იმის გამო, რომ ვიდექი და ვმღეროდი, თუმცა მათი აზრი საერთოდ არ მაინტერესებდა, უბრალოდ აღფრთოვანებული ვიყავი", — წერს ის.

ამავე თემაზე:

თუ მუსიკა შენი ცხოვრების განუყოფელი ნაწილია და ამ თემაზე მეტის გაგება გინდა, შემოგვიერთდი ჯგუფში ერთი სიმღერაც და...