ეს კვირა პოპ მუსიკისთვის დატვირთული გამოდგა! ვარსკვლავებმა სელენა გომესმა, მაილი საირუსმა და არიანა გრანდემ ახალი სიმღერები ერთსა და იმავე დღეს გამოუშვეს.

გომესმა ახალი პროექტის შესახებ საუბარი ცოტა ხნის წინ დაიწყო და თქვა, რომ სანამ მესამე ალბომზე მუშაობს, სიმღერის Single Soon გაზიარება გადაწყვიტა, რომელიც "ზაფხულის მიწურულისთვის იდეალურია".

მაილი საირუსმა ახალი სიმღერის Used to be Young და ასევე, სატელევიზიო პროგრამის Endless Summer Vacation გამოშვება წინა კვირას დააანონსა. მისი თქმით, პროგრამა მისი ცხოვრების სხვადასხვა პერიოდზე ინტერვიუებს გააერთიანებს, სიმღერა კი, ფანებს მიუძღვნა, რომლებიც წლების განმავლობაში მისი პიროვნების ნებისმიერ ვერსიას იღებდნენ.

რაც შეეხება არიანა გრანდეს, მომღერალი თავისი სადებიუტო ალბომის 10 წლის თავს აღნიშნავს და ამის ნიშნად პირველი ალბომის დელუქს ვერსიას უშვებს, რომელიც სიმღერების ახალ ლაივ ვერსიებსა და ძველ ვიდეომასალას აერთიანებს.