რატომ არის მნიშვნელოვანი: საოკუპაციო რეჟიმი როგორც აფხაზეთის, ისე ცხინვალის რეგიონის მიმდებარედ საქართველოს მოქალაქეებს იტაცებს ან უკანონოდ აპატიმრებს.

  • ოკუპირებული რეგიონების ციხეებში ხშირად ირღვევა ადამიანის უფლებები.
  • სუს-ის ცნობით, საქართველოს მოქალაქე ლაშა ხეთერელი საოკუპაციო ძალებმა უკანონოდ ოკუპირებულ სოფელ დისევთან დააკავეს.

დეტალები: უწყების ინფორმაციით, 22 აგვისტოს რუსეთის საოკუპაციო ძალების წარმომადგენლებმა, გორის მუნიციპალიტეტის სოფელ ახალუბნის მიმდებარედ, უკანონოდ დააკავეს საქართველოს ორი მოქალაქე.

  • გააქტიურეს ევროკავშირის სადამკვირვებლო მისიის მიერ ოპერირებული ცხელი ხაზი.
  • ასევე, დაუყოვნებლივ ეცნობა საერთაშორისო პარტნიორებს და ჟენევის საერთაშორისო დისკუსიების თანათავმჯდომარეებს.
  • "ამოქმედებულია ყველა არსებული მექანიზმი უკანონოდ დაკავებულ პირთა უმოკლეს ვადებში გასათავისუფლებლად. ".
  • სუს ოკუპირებულ ტერიტორიებზე, ასევე, საოკუპაციო ხაზის გასწვრივ ჩადენილ ყველა დესტრუქციულ ქმედებაზე პასუხისმგებლობას საოკუპაციო ძალებს აკისრებს.