ცოტა ხნის წინ ტენესის ზოოპარკში ყავისფერი ჟირაფი დაიბადა. პატარა ჟირაფს სხეულზე ამ სახეობისთვის დამახასიათებელი ლაქები არ აქვს, რაც უიშვიათესი მოვლენაა. ზოოპარკის თანამშრომლების თქმით, იშვიათი ფერის ჟირაფი სრულიად ჯანმრთელია და სიმაღლეში უკვე თითქმის 2 მეტრია.

ზოოპარკის თანამშრომლები ფიქრობენ, რომ ასეთი შეფერილობის ჟირაფი შესაძლოა მსოფლიოში მხოლოდ ერთი იყოს. ამის მიზეზი კი ისაა, რომ ჟირაფები ძალიან იშვიათად იბადებიან ჭრელი შეფერილობის გარეშე, რად მათთვის ველურ გარემოში შენიღბვის ფორმას წარმოადგენს.

ფოტო: Courtesy Brights Zoo

ლაქები ჟირაფებს თერმორეგულაციაშიც ეხმარება. გარდა ამისა, მკვლევრების აზრით, ჟირაფებისთვის დამახასიათებელი ლაქები მემკვიდრეობით დედისგან მიიღება, თუმცა ტენესიში დაბადებული პატარა ჟირაფი უნიკალურია.

ტენესის ზოოპარკმა ახალდაბადებული ჟირაფისთვის სახელის შესარჩევად კონკურსი გამოაცხადა. სახელებიდან უკვე რამდენიმე ვარიანტი შეირჩა, რომლებიც ჟირაფის უნიკალურობას, სილამაზესა და განსაკუთრებულ მახასიათებლებს უსვამს ხაზს.