შსს-ს ცნობით, წარსულში მრავალჯერ ნასამართლევი ბ.ფ., ე.წ. კანონიერი ქურდობის ბრალდებით, თბილისის საერთაშორისო აეროპორტში დააკავეს.

გამოძიების ვერსიით, ის 1999 წლიდან ე.წ. ქურდულ სამყაროში აღიარებულია "კანონიერ ქურდად".

უწყების ინფორმაციით, დაკავებული 2004 წლიდან რუსეთის ფედერაციაში ცხოვრობდა და აქტიურად მონაწილეობდა ე.წ. ქურდულ გარჩევებში.

გამოძიება საქართველოს სსკ-ს 223-ე პრიმა მუხლის მე-2 ნაწილით, კანონიერი ქურდობის ფაქტზე მიმდინარეობს.