შინაგან საქმეთა სამინისტროს თქმით, სოფო ნიჟარაძის თავდამსხმელის ვინაობა გამოძიებისთვის ცნობილია.

"დადგენილია პიროვნება. გამოძიება მიმდინარეობს 125-ე მუხლით. ტარდება პროცედურები. მიზეზებს გამოძიება ადგენს" - განუცხადეს On.ge-ს შსს-ში.

შს სამინისტროს ინფორმაციით, ინციდენტი ღამით 12-ის შემდეგ მოხდა და ფილარმონიაში ამ დროს კერძო დაცვა იმყოფებოდა:

"მათ არ ჰქონდათ მისი დაკავების უფლება, სავარაუდოდ, მათ თავდამსხმელი გარეთ გამოაძევეს".

გადაცემა X Factor-ის ჩაწერისას ჟიურის წევრებთან მივიდა და სოფო ნიჟარაძეს თავს დაესხა.

სისხლის სამართლის კოდექსის 125-ე მუხლი გულისხმობს ცემას, ისჯება ჯარიმით ან საზოგადოებისათვის სასარგებლო შრომით ვადით ას ოციდან ას ოთხმოც საათამდე, ან გამოსწორებელი სამუშაოთი ვადით თხუთმეტ თვემდე.