ივლისის მიწურულს Meta Platforms-მა (META) მეორე კვარტლის შედეგები გამოაქვეყნა, რასაც მისი აქციების ფასის მყისიერი ზრდა მოჰყვა. როგორც აღმოჩნდა, კომპანიის შემოსავლებმა ანალიტიკოსების მოლოდინებს ($31,06 მლრდ) გადააჭარბა და 32 მილიარდი დოლარი შეადგინა.

Meta-ს განცხადებით, მეორე კვარტალში მისმა მოგებამ ერთ აქციაზე 2,98 დოლარს მიაღწია, რაც, ასევე, ანალიტიკოსების მოლოდინებზე ($2,92) მეტი აღმოჩნდა.

"ჩვენ კარგი კვარტალი გვქონდა. ვაგრძელებთ მუშაობას, რათა ვიხილოთ ძლიერი ჩართულობა ჩვენი აპლიკაციების საშუალებით და გვაქვს ყველაზე საინტერესო გეგმები, რაც კი აქამდე გვქონია", — თქვა კომპანიის დამფუძნებელმა და ხელმძღვანელმა მარკ ცუკერბერგმა.

Facebook-ისა და Instagram-ის მშობელმა კომპანიამ რეკლამებიდან შემოსავლებიც გაასაჯაროვა და თქვა, რომ მეორე კვარტალში 31,5 მილიარდი დოლარის რეკლამა გაყიდა, რაც მოსალოდნელზე (30,43 მლრდ) მეტი იყო.

კომპანიის ანგარიშში მომხმარებელთა აქტივობაზეც არის საუბარი და ნათქვამია, რომ Facebook-ის ყოველდღიური აქტიური მომხმარებლების რიცხვმა მოლოდინს (2,03 მლრდ) გადააჭარბა და 2,06 მილიარდი შეადგინა.

აქვე უნდა ითქვას, რომ კომპანიის ვირტუალური რეალობის განყოფილებამ უფრო დიდი საოპერაციო ზარალი აჩვენა, ვიდრე ანალიტიკოსები ელოდნენ. ანგარიშის მიხედვით, მეორე კვარტალში Reality Labs-მა 3,74 მილიარდი დოლარი დაკარგა. გეგმის მიხედვით, დანაკარგი 3,68 მილიარდი დოლარი უნდა ყოფილიყო.

აღსანიშნავია, რომ კომპანიამ 2022-2023 წლებში 20 000 ზე მეტი თანამშრომელი გაათავისუფლა. თუმცა, როგორც აღმოჩნდა, მიმდინარე წელს ის სახელფასო ხარჯების ზრდას მოელის. Meta-ს თქმით, მისი მთლიანი ხარჯები 2023 წელს 88-91 მილიარდი დოლარის შუალედში იქნება.

რაც ყველაზე მეტად მნიშვნელოვანია, საშუალო და გრძელვარდიან პერიოდში კომპანია იზრდება. მიმდინარე წლის დასაწყისთან შედარებით, Meta-ს ფასიანი ქაღალდების ღირებულება 154%-ით არის გაზრდილი. ბოლო მონაცემებით, მის ერთი აქციის შეძენა 306 დოლარად არის შესაძლებელი.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.