აჭარაბეთის სპორტულ ნაკრებს, ზაზა ფაჩულია შეუერთდა, რომელმაც შეხვედრა გამართა თანამშრომლებთან და სპორტული ნაკრების წევრებთან, სადაც თანამშრომლობის მნიშვნელობაზე და სამომავლო გეგმებზე ისაუბრა.

ფოტო: აჭარაბეთი

"დღეს, აჭარაბეთის ოფისში გავმართეთ შეხვედრა, სადაც შეკრებილ საზოგადოებას, აჭარაბეთის თანამშრომლებს და სპორტული ნაკრების წევრებს გავუზიარეთ ჩვენი სიახლეები.
ძალიან ვამაყობ და მიხარია, რომ ამ გუნდს შემოვუერთდი, რადგან ვფიქრობ აჭარაბეთთან ერთად ძალიან ბევრ და საინტერესო პროექტზე ვიმუშავებთ. რაც ყველაზე მნიშვნელოვანი, სასიხარულო და საამაყოა, ამ თანამშრომლობის ფარგლებში განახლდება ზაზა ფაჩულიას კალათბურთის აკადემია", — განაცხადა ზაზა ფაჩულიამ.

ფოტო: აჭარაბეთი

"აჭარაბეთის სპორტულ ნაკრებში, ქართული სპორტის საუკეთესო წარმომადგენლები ერთ გუნდად არიან შეკრული.ვამაყობთ რომ გვყავს სპორტის სხვადასხვა სახეობის წარმომადგენელი ამბასადორები, ინდივიდუალური სპორტსმენები და გუნდები/ნაკრებები,რომლებიც უყვარს ქართველს გულშემატკივარს და ჩვენთვის ძალიან სასიხარულო და საამაყოა ის ფაქტი,რომ დღეიდან აჭარაბეთის სპორტულ ნაკრებს ლეგენდარული ზაზა ფაჩულია შემოუერთდა, ერთად არაერთ მნიშვნელოვან პროექტს განვახორციელებთ", — განაცხადა აჭარაბეთის საზოგადოებასთან ურთიერთობის დირექტორმა, ნინი გუჯაბიძემ.

აჭარაბეთი ქართული სპორტის მთავარი გულშემატკივარი და მხარდამჭერია. კომპანია წლებია ზრუნავს ქართული სპორტის პოპულარიზაციაზე, გვერდში უდგას ქართველ სპორტსმენებს, თავისი წვლილი შეაქვს მათთვის საუკეთესო პირობების შექმნაზე და ეხმარება კარიერულ განვითარებაში.