რას ჰყვება მოქალაქე: მისი თქმით, შემთხვევა გოგებაშვილის ქუჩაზე 20 ივლისს მოხდა, როცა ის სამართალდამცავებმა გააჩერეს და გაჩხრიკეს.

  • კადრებში ჩანს, რომ მას სხეულზე — ყელსა და ხელებზე დაზიანებები აქვს.
  • ამბობს, რომ მასთან შესამოწმებლად ორი პოლიციელი მივიდა, რომლებმაც თავიდანვე მიაყენეს შეურაცხყოფა.
  • "ერთ-ერთმა მანქანაში მცემა, ერთი საჭესთან იჯდა, რომელსაც მივყავდი, მეორე მირტყამდა მანქანაში", — ჰყვება ლაშა ჟღენტი ფორმულასთან.
  • მისივე თქმით, პოლიციელი, რომელიც საჭესთან იჯდა, აგინებდა და თან ემუქრებოდა:
  • "[მეუბნებოდა], რომ ჩემნაირი ბევრი ჰყავს ჩასმული ციხეში".

დეტალები: ლაშა ჟღენტს სპეციალურ საგამოძიებო სამსახურში გამოჰკითხავენ.

  • მედიასთან მისი დედა ამბობს, რომ გუშინ, 20 ივლისს დაურეკეს და უთხრეს, რომ "ოღონდ გაჩერდნენ" და ყველაფერს აპატიებენ.
  • "ჩვენ არ გავჩერდებით, ვინც არ უნდა დარეკოს. ჩემი შვილები არიან მართლები და ამ საქმეს ბოლომდე მივიყვანთ", — აცხადებს ის.
  • შინაგან საქმეთა სამინისტროში On.ge-ს განუცხადეს, რომ 21 წლის მოქალაქე ადმინისტრაციულ სამართალდარღვევათა კოდექსის 173-ე მუხლით იყო დაკავებული, რაც პოლიციელისადმი დაუმორჩილებლობას გულისხმობს.