პარტია თავისუფალი საქართველო აცხადებს, რომ ის მზად არის კონსულტაციებისთვის ხელისუფლებასთან, რათა მომზადდეს კონსტიტუციის შესწორებული რედაქცია მესამე მოსმენით კენჭისყრამდე, სადაც გათვალისწინებული იქნება ხელისუფლებისა და ოპოზიციის შეთანხმებები ძირითად პრინციპულ საკითხებზე.

"როგორც ცნობილია, ვენეციიის კომისიის პრეზიდენტმა - ჯანი ბუკიკიომ ოპოზიციურ პარტიებთან შეხვედრის დროს კიდევ ერთხელ გაიმეორა, რომ აუცილებელია ხელისუფლებასა და ოპოზიციას შორის მიღწეულ იქნეს კომპრომისი კონსტიტუციური რეფორმის შესახებ. მან კომპრომისისკენ მოუწოდა როგორც ხელისუფლებას, ისე ოპოზიციურ პარტიებს.

ვფიქრობთ, უმჯობესი იქნება, თუ დიალოგის პროცესს პირადად წარმართავს პრემიერ-მინისტრი. ეს ხელს შეუწყობს კონსულტაციების საქმიან და ოპერატიულ ფორმატში წარმართვას.

აქვე მოვუწოდებთ საპარლამენტო უმრავლესობის ზოგიერთ წევრს, თავი შეიკავოს ხისტი განცხადებებისაგან, რაც ხელს არ შეუწყობს მსგავსი ტიპის დიალოგის კონსტრუქციულ ტონალობაში გამართვას", - აცხადებს თავისუფალი საქართველო, რომლის ლიდერია კახა კუკავა.