ამერიკის ვიცე-პრეზიდენტი მაიკ პენსი საქართველოს, ესტონეთსა და მონტენეგროს ოფიციალური ვიზიტით ეწვევა. თეთრი სახლის ადმინისტრაციის განმარტებით, მაიკ პენსი თბილისში, ტალინსა და პოდგორიცაში პრეზიდენტ დონალდ ტრამპის დავალებით გაემგზავრება. ვიზიტის თარიღებად 30 ივლისი - 2 აგვისტოს პერიოდია განსაზღვრული.

საქართველოში, პენსი, სხვა ოფიციალურ პირებთან ერთად, პრეზიდენტ მარგველაშვილსა და პრემიერ-მინისტრ გიორგი კვირიკაშვილს შეხვდება. ისინი ასევე მოინახულებენ საქართველოში ნატოს საწვრთნელ ცენტრს.

ესტონეთის დედაქალაქში მაიკ პენსი ქვეყნის პრემიერ-მინისტრს და სხვა ოფიციალურ პირებს შეხვდება ორპარტიულ საკითხებზე სასაუბროდ. ის ასევე შეხვდება ბალტიისპირეთის სამი ქვეყნის ლიდერებს - ლატვიის, ლიტვისა და ესტონეთის პრეზიდენტებს.