შვიდი თვითმმართველი ქალაქის გაუქმებას ადგილობრივი მოსახლეობა სასამართლოში ხვალ გაასაჩივრებს. მათ ინტერესებს საქარველოს ახალგაზრდა იურისტთა ასოციაცია დაიცავს.

საიაში ამბობენ, რომ 30 ივნისს, 12 საათზე ამ საკითხზე პრესკონფერენციას ღია საზოგადოება - საქართველოს ოფისში გამართავენ.

სარჩელის შეტანა ქუთაისის სასამართლოში იგეგმება.

საქართველოს პარლამენტმა შვიდი თვითმმართველი ქალაქის - გორის, ამბროლაურის, მცხეთის, ოზურგეთის, თელავის, ახალციხისა და ზუგდიდის მუნიციპალიტეტებთან გაერთიანების დადგენილება 15 ივნისს მიიღო. ამით 12 თვითმმართველი ქალაქიდან ეს შვიდი გაუქმდა. დადგენილების პროექტს პარლამენტის 85-მა დეპუტატმა დაუჭირა მხარი, 10 კი წინააღმდეგი იყო.