ამის შესახებ პარლამენტში სახელმწიფო უსაფრთხოების სამსახურის უფროსის პირველმა მოადგილემ, ალექსი ბატიაშვილმა პარლამენტშ სუს-ის ანგარიშის წარდგენისას ისაუბრა.

რატომ არის მნიშვნელოვანი: საოკუპაციო რეჟიმი როგორც აფხაზეთის, ისე ცხინვალის რეგიონის მიმდებარედ საქართველოს მოქალაქეებს იტაცებს ან უკანონოდ აპატიმრებს.

  • ოკუპირებული რეგიონების ციხეებში ხშირად ირღვევა ადამიანის უფლებები.
  • სუს-ის პირველი მოადგილის ცნობით, საანგარიშო პერიოდში ოკუპირებული ცხინვალის რეგიონის მიმართულებით უკანონოდ დააკავეს — 44, ხოლო ოკუპირებული აფხაზეთის მიმართულებით — 13 პირი.
  • მისივე თქმით, მათ შორის, საყურადღებოა ე.წ. ჯაშუშობის ბრალდებით საქართველოს მოქალაქის დაკავების ფაქტიც.
  • სუს-ის ანგარიშის თანახმად, 2022 წლის დასასრულს, საბოლოო ჯამში, უკანონო პატიმრობაში საქართველოს 9 მოქალაქეა.

დეტალები: ბატიაშვილის ინფორმაციით, გააქტიურებულია ცხელი ხაზი და საქმეში საერთაშორისო პარტნიორები არიან ჩართულები.

  • "დადასტურებულია მათი დაკავება და ველოდებით მოვლენების განვითარებას. ყველაფერს გავაკეთებთ, რომ რაც შეიძლება მალე ეს ადამიანები დაუბრუნდნენ ოჯახებს", — თქვა მან.
  • 5 ივლისს საოკუპაციო ძალებმა საქართველოს კიდევ ერთი მოქალაქე ლაშა ხეთერელი დააკავეს.