ინფორმაციას პროკურატურა ავრცელებს.

რატომ არის მნიშვნელოვანი: უწყების ცნობით, 2021 წლის სექტემბერში ბრალდებული სიცოცხლის მოსპობით დაემუქრა რძალს და მასზე იძალადა.

  • 2022 წლის 18 ოქტომბერს კი მისი მოკვლა სცადა, რა დროსაც დანით დაზიანებები მიაყენა.

დეტალები: ქუთაისის საქალაქო სასამართლომ ბრალდებული დამნაშავედ ცნო დამამძიმებელ გარემოებებში ოჯახის წევრის განზრახ მკვლელობის მცდელობისთვის, ძალადობის და მუქარისთვის.

  • დაკავებულს 17-წლიანი პატიმრობა მიესაჯა, რასაც პროკურატურა სააპელაციო წესით გაასაჩივრებს და სასჯელის დამძიმებას მოითხოვს.

მნიშვნელოვანია ვიცოდეთ, რომ ძალადობა არ გულისხმობს მხოლოდ ფიზიკურ შეხებას. ოჯახის წევრის მხრიდან ფსიქოლოგიური ზეწოლა, მუქარა, შანტაჟი, სიტყვიერი შეურაცხყოფა ასევე ძალადობაა და კანონით აკრძალულია.

  • ოჯახში ძალადობის შემთხვევაში პოლიციის გამოძახება შესაძლებელია 112-ზე დარეკვით. ზარი უფასოა.
  • საკონსულტაციო მომსახურების გაწევის მიზნით ფუნქციონირებს ცხელი ხაზი — 116 006.

საჭიროების შემთხვევაში შეგიძლიათ დარეკოთ შემდეგ ნომრებზე:

  • საფარის უფასო იურიდიული დახმარება — 0322 30 76 03; 599 40 76 03;
  • სახალხო დამცველის ცხელი ხაზი — 1481.