კობახიძე ჯაშის ფილმს ივანიშვილის ხეებზე სამარცხვინოს უწოდებს
![](http://rachel.on.ge/2023/06/19/salome_jashi_649027205566a.jpg)
0
წაკითხვა
0
კომენტარი
0
გაზიარება
ამის შესახებ მან ჟურნალისტებთან კინოცენტრში მიმდინარე მოვლენების შესახებ დასმული კითხვის საპასუხოდ ისაუბრა.
რატომ არის მნიშვნელოვანი: სალომე ჯაშის დოკუმენტური ფილმის, მოთვინიერება, მსოფლიო პრემიერა 31 იანვარსს სანდერსის საერთაშორისო კინოფესტივალზე შედგა.
- ის, ასევე ბერლინის საერთაშორისო კინოფესტივალის სექციაში 17 ფილმს შორის მოხვდა.
- სურათი ნომინირებული იყო ევროპის კინოაკადემიის ჯილდოზე.
- ფილმი კიევის ყოველწლიური კინოფესტივალის International Human Rights Documentary Film Festival Docudays UA საერთაშორისო სექციის DOCU/WORLD გამარჯვებული გახდა.
- გასული წლის აპრილში კინოაკადემიამ ფილმის სეანსები გააუქმა.
- კინოაკადემიის დირექტორმა სეანსების გაუქმების მიზეზად განმარტა, რომ მათთვის მიუღებელია აჩვენონ "ნაწარმოები, რომელიც აზრთა სხვაობას იწვევს და საზოგადოებას პოლიტიკური ნიშნით ყოფს".
დეტალები: სწორედ ამ ფილმს უწოდა ქართული ოცნების თავმჯდომარემ "უბრალოდ სამარცხვინო" და ეს შანსიც ივანიშვილის ქებისთვის გამოიყენა.
- კობახიძის მტკიცებით, 2012 წლამდე ფილმებს პოლიტიკური დაკვეთით იღებდნენ, რაც მმართველმა გუნდმა "წარსულს ჩააბარა".
- ის კინოცენტრში მიმდინარე მოვლენებს "სუბიექტურ ინტერესებს" უკავშირებს და ამბობს, რომ, შესაძლოა, იქ რამე კლანი იყო ჩამოყალიბებული.
- სალომე ჯაშის ფილმზე დასმული კითხვის პასუხად, კობახიძემ ივანიშვილის "წვლილზე" დაიწყო საუბარი და თქვა, რომ პარტიის დამფუძნებელმა თავისი ფული ჩადო ამ პარკის მოწყობაში.
- "ამაზე როცა იღებ ასეთ ირონიულ ფილმს, უბრალოდ სამარცხვინოა, ეს ფილმი არის უბრალოდ სამარცხვინო", — განაცხადა კობახიძემ.
-
გადახედვა
-
გადახედვა
-
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
-
გადახედვა
-
-
გადახედვა
-
გადახედვა
-
-
-
გადახედვა
კომენტარები