გორში ავტომანქანა ქალაქის ერთ-ერთ გასასვლელთან ქვეითად მოსიარულეს დაეჯახა. 60 წლამდე ასაკის კაცი ადგილზე გარდაიცვალა. აღნიშნული ინფორმაცია On.ge-ის შინაგან საქმეთა სამინისტრომ დაუდასტურა. მათივე ცნობით, შემთხვევა 26 ივნისს, საღამოს საათებში მოხდა, ამ დროისთვის კი საგამოძიემო მოქმედებები მიმდინარეობს.

გამოძიება სსკ-ის 276-ე მუხლის მე-5 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევის მუხლით მიმდინარეობს, რამაც ადამიანის სიცოცხლის მოსპობა გამოიწვია.