ცოტა ხნის წინ HBO-ს ახალი სერიალის, The Idol-ის, პრემიერა შედგა, რომელსაც მაყურებელი დიდი ინტერესით ელოდა. ქართველი მაყურებლისთვის HBO-ის ახალი სერიალი იმითაც შეიძლება იყოს განსაკუთრებული, რომ The Idol-ის აუდიოეფექტებზე ქართულმა კომპანია POSTRED-მა იმუშავა.

POSTRED აუდიო პოსტპროდუქციის კომპანიაა, რომელიც 2015 წელს შეიქმნა. აქვე უნდა აღინიშნოს, რომ The Idol ქართული პოსტპროდუქციის კომპანიისთვის HBO-ს პირველი სერიალი არაა, რომელზეც უმუშავია. Euphoria-ის მეორე სეზონის აუდიოეფექტებზეც POSTRED-მა იმუშავა.

POSTRED უკვე დიდი ხანია, ისეთ კინოსტუდიებთან თანამშრომლობს როგორებიცაა Paramount Pictures და A24. აღსანიშნავია, რომ ოსკარი 2021-ზე მოკლემეტრაჟიანი კინოსურათების ხუთ ფინალისტს შორის მოხვდა ფილმი A Concerto Is A Conversation, რომელზეც სწორედ POSTRED-მა იმუშავა.

რაც შეეხება The Idol-ს, სერიალში მთავარ როლებს The Weeknd და ლილი როუზ დეპი ასრულებენ. The Idol-ის სცენარზე კი Euphoria-ს შემქმნელი სემ ლევინსონი და The Weeknd ერთობლივად მუშაობენ. HBO-ს ახალ შოუს Euphoria-ს მსგავს წარმატებას უწინასწარმეტყველებენ.

თუ მუსიკა შენი ცხოვრების განუყოფელი ნაწილია და ამ თემაზე მეტის გაგება გინდა, შემოგვიერთდი ჯგუფში ერთი სიმღერაც და...