რა მოხდა: დილით მედიაში გავრცელდა ინფორმაცია, რომ კერძო სკოლაში, ბრიტანულ-ქართულ აკადემიაში ევაკუაცია გამოცხადდა.

  • სკოლის ადმინისტრაციის განცხადებით, ელექტრონულ ფოსტაზე მიიღეს შეტყობინება, რომ ტერიტორიაზე ბომბი იყო, მოსწავლეები და პერსონალი უსაფრთხო ადგილას გადაიყვანეს და სამართალდამცავები გამოიძახეს.
  • მათივე თქმით, შსს-მ და სუს-ის განაღმვის სამსახურმა მთელი პერიმეტრი შეამოწმეს და ადგილზე ასაფეთქებელი ნივთიერების არსებობა არ დადასტურდა.
  • მომხდარის გამო საქმეა აღძრული და მიმდინარეობს გამოძიება — On.ge შსს-სთან ცდილობს დააზუსტოს, რა მუხლით.

ევაკუაცია გამოცხადდა თბილისის საქალაქო სასამართლოშიც. ადგილზე მყოფები ამბობენ, რომ განგაში უცებ ატყდა და ტერიტორია დაატოვებინეს.

  • ხოლო ფორმულას, TV პირველისა და მთავარი არხის ინფორმაციით, ევაკუაციაა გამოცხადებული უზენაეს და სააპელაციო სასამართლოებში, ასევე, ქუთაისისა და გორის სასამართლოებში.
  • ინფორმაციის გარკვევას On.ge სასამართლოებში, შსს-სა და სუს-ში ცდილობს.
  • მათ პასუხს მიღებისთანავე შემოგთავაზებთ.