თბილისის სააპელაციო სასამართლოში დღეს, 7 მაისს, 10:00 საათზე განახლდა რუსთავი 2-ის საქმის განხილვა.

პროცესის დაწყებისთანავე, ქიბარ ხალვაშის ადვოკატმა პაატა სალიამ უარი თქვა სააპელაციო საჩივარზე, რომლის მიხედვითაც ის ითხოვდა რუსთავი 2-ის ლოგოზე საავტორო უფლებებსა და ზიანის - 18 მილიონი ლარის ანაზღაურებას. აღნიშნული მოთხოვნა მას საქალაქო სასამართლომ არ დაუკმაყოფილა. სწორედ ამას ასაჩივრებდა ხალვაში.

რაც შეეხება რუსთავი 2-ის წილების საკითხს, რუსთავი 2-ის ადვოკატები სააპელაციო სასამართლოსგან ითხოვენ საქალაქო სასამართლოს გადაწყვეტილების გაუქმებას, რომლის მიხედვითაც, აღნიშნული წილები ქიბარ ხალვაშს გადაეცა.

ამ წუთებში პაატა სალია განაგრძობს რუსთავი 2-ის სააპელაციო საჩივრის შესაგებლის კითხვას. მოსამართლეებმა პროცესზე კვლავ არ დაუშვეს წინა სხდომაზე გაძევებული რუსთავი 2-ის ადვოკატები და ტელეარხის დირექტორი ნიკა გვარამია. დღევანდელ პროცესზე 500 ლარით დააჯარიმეს ტელეკომპანიის კიდევ ერთი ადვოკატი ზაზა ბიბილაშვილი.

On.ge-ს ჟურნალისტი იმყოფება სააპელაციო სასამართლოში და სიახლეებს პერიოდულად მოგაწვდით.