მსახიობმა ჯონი დეპმა, გუშინ, Glastonbury 2017-ზე ხალხს მიმართა.

თავისი გამოსვლისას, დეპმა იკითხა, "ტრამპი რომ აქ მოვიყვანოთ შეიძლება?" რა დროსაც შეკრებილმა ადამიანებმა უკმაყოფილება გამოხატეს. "არა თქვენ ვერ გამიგეთ", თქვა დეპმა. "მას დახმარება სჭირდება".

"ეს პრესაში მოხვდება და საშინელებებს დაწერენ", განაგრძო მან. "მაგრამ, როდის იყო ბოლოს, როცა მსახიობმა პრეზიდენტი მოკლა?"

თუ თქვენც ჯონი დეპივით არ გახსოვთ, როდის მოხდა ასეთი შემთხვევა, შეგახსენებთ, რომ 1865 წლის 14 აპრილს ჯონ ვილკის ბუთმა პრეზიდენტი ლინკოლნი, ვაშინგტონში, თეატრში, სპექტაკლის მიმდინარეობისას მოკლა.

ჯონი დეპის ამ განცხადებას ჯერ-ჯერობით არ გამოხმაურებია დონალდ ტრამპი, თუმცა მთელი მედიის ყურადღება სწორედ მისი ტვიტერისკენაა მიმართული.