ანა დოლიძე CSDP-ის საორიენტაციო კურსის გახსნაზე განაცხადა, რომ საქართველო მსოფლიოს პრობლემების მოგვარებაში უნდა დაეხამროს:

"აქტიურად მონაწილეობს ევროპის უსაფრთხოებისა და თავდაცვის არქიტექტურაში. ჩვენ ვმონაწილეობდით რამდენიმე მისიაში, მათ შორის, აფრიკაში - როგორც სამხედრო, ასევე სამოქალაქო პერსონალით. შესაბამისად, გვინდა, რომ საერთაშორისო უსაფრთხოების არა მხოლოდ მომხმარებლები, არამედ, უზრუნველმყოფებიც ვიყოთ".

თავდაცვის მინისტრის მოადგილის თქმით, მსოფლიო პრობლემები ევროკავშირის მიღმა არსებულ სახელმწიფოებსაც ეხებათ:

"ევროკავშირის მიღმა ბევრ სახელმწიფოს ეხება ტერორიზმი, ლტოლვილების თემა, სხვადასხვა კრიზისული გამოწვევები. ვიმედოვნებთ, რომ ამგვარი კურსებითა და სწავლებებით ჩვენი საჯარო მოხელეები თანხვედრაში იქნებიან ევროპის სხვადასხვა ქვეყნიდან ჩამოსულ საჯარო მოხელეებთან".

ღონისძიება საქართველოს სახელმწიფო უსაფრთხოებისა და კრიზისების მართვის საბჭოს ორგანიზებით და თავდაცვისა და შინაგან საქმეთა სამინისტროების თანამონაწილეობით იმართება. შეხვედრაში ევროპის სხვადასხვა ქვეყნების წარმომადგენელი საჯარო პირები მონაწილეობენ.

ევროპის თავდაცვისა და უსაფრთხოების პოლიტიკის საორიენტაციო კურსის ფარგლებში განხილვის მთავარი თემა ევროკავშირის თავდაცვისა და უსაფრთხოების ერთიან სისტემაში საქართველოს მეტი ჩართულობაა.

თავდაცვისა და უსაფრთხოების პოლიტიკის (CSDP) საორიენტაციო კურსი 10 ივნისს დასრულდება.