ამის შესახებ ჩეხმა ევროპარლამენტარმა, მარკეტა გრეგოროვამ Twitter-ზე დაწერა.

რატომ არის მნიშვნელოვანი: ხელისუფლებისადმი კრიტიკულად განწყობილი მთავარი არხის დამფუძნებელი, ნიკა გვარამია 2 ნოემბერს სააპელაციო სასამართლომ 3 წლითა და 6 თვით პატიმრობაში დატოვა.

  • გვარამია დამნაშავედ ცნეს უფლებამოსილების ბოროტად გამოყენებაში ე.წ. რეკლამის გაყიდვისა და ავტომანქანის საქმეებზე.
  • NGO-ების, ევროპარლამენტარების, ადგილობრივი და საერთაშორისო ორგანიზაციების განცხადებით, გვარამიას საქმე პოლიტიკურად მოტივირებულია — ისინი პრეზიდენტს მთავარი არხის დამფუძნებლის შეწყალებისკენ მოუწოდებენ.
  • გვარამიას საქმეზე უკიდურეს შეშფოთებას გამოხატავს სახალხო დამცველიც.
  • აშშ-ის საელჩო კი ამბობს, რომ გვარამიას პატიმრობა რისკის ქვეშ აყენებს ქართველი ხალხის მკაფიო არჩევანს.
  • 16 თებერვალს ნიკა გვარამიას გათავისუფლების მოძრაობა შეიქმნა.

დეტალები: პრესის თავისუფლების საერთაშორისო დღეს ევროპარლამენტარები კიდევ ერთხელ გმობენ გვარამიას პატიმრობას და მის განაჩენს პოლიტიკურად მოტივირებულად მიიჩნევენ.

  • "მოგმართავთ მოწოდებით, აამოქმედოთ შეწყალებაზე პრეზიდენტის უფლებამოსილება, რათა გვარამია ციხიდან გამოვიდეს. ჩვენ გულწრფელად ვიმედოვნებთ, რომ ამ ნაბიჯს გადადგამთ და საქართველოს დაეხმარებით დაუახლოვდეს თავის ეროვნულ მიზანს, ევროკავშირის წევრობას", — ნათქვამია ერთობლივ წერილში.