უკრაინის პარლამენტმა შესაბამისი რეზოლუცია დღეს, 2 მაისს 281 ხმით მიიღო.

რატომ არის მნიშვნელოვანი: დოკუმენტით დაგმობილია რაშიზმი, როგორც იდეოლოგია და პრაქტიკა, რომელიც რუსეთის ფედერაციის სახელწიფო პოლიტიკას უდევს საფუძვლად.

  • რადამ, ასევე, მოუწოდა გაეროს, ევროპარლამენტს, ევროპის საბჭოს, ეუთოსა და NATO-ს საპარლამენტო ასამბლეებს, სხვა სახელმიფოების მთავრობებსა და საკანონმდებლო ორგანოებს, რაშიზმის იდეოლოგიის, პოლიტიკის და პრაქტიკის დაგმობას მხარი დაუჭირონ.
  • გარდა ამისა, დოკუმენტით მოუწოდებენ საერთაშორისო თანამეგობრობას, მიიღონ ქმედითი ზომები, რათა აგრესიის, ომის, კაცობრიობის წინააღმდეგ ჩადენილ დანაშაულებზე, ასევე, უკრაინელი ხალხის გენოციდზე პასუხისმგებლობა დაეკისროს რუსეთის სამხედრო-პოლიტიკურ ხელმძღვანელობას.

დეტალები: ამასთან ერთად, მიმართავენ საერთაშორისო საზოგადოებას, შეუერთდნენ რუსეთის ამჟამინდელი პოლიტიკური რეჟიმის დანაშაულებრივად, რუსეთის ტეროტისტულ სახელმწიფოდ და მისი პოლიტიკური და სამხედრო ხელმძღვანელობის ქმედებების უკრაინელი ხალხის გენოციდად აღიარებას.

  • რეზოლუციაში განმარტებულია, რომ დადგენილება საერთაშორისო ინსტიტუტებს მისცემს საშუალებას, რუსული პოლიტიკის განსაზღვრისას ერთიანი მიდგომა ჩამოაყალიბონ.