რატომ არის მნიშვნელოვანი: ევროპარლამენტარმა, ვიოლა ფონ კრამონმა Twitter-ზე ვიდეო გამოაქვეყნა, სადაც სოციალურ ქსელში მასზე გავრცელებულ ფეიკ ამბებსა და ვიდეოს ეხმაურება.

• საუბარია მასალაზე, რომელიც მითების დეტექტორმა მოამზადა და გამოავლინა, რომ გავრცელებული ამბები დეზინფორმაციაა.
• 4 აპრილს TV სეზონის გადაცემაში დღის შეჯამება ნიკოლოზ მჟავანაძესთან ერთად, ისტორიკოსი დიტო ჩუბინიძე ამბობდა, რომ დაოჯახებამდე მისი გვარი გერინგი იყო და ამტკიცებდა, თითქოს ნაცისტი პოლიტიკოსისა და ომის დამნაშავის, ლუფტვაფეს რაიხსმარშლის ჰერმან გერინგის შთამომავალია.
• ასევე, ირწმუნებოდა თითქოს, კრამონის საქართველოში ვიზიტის მიზანი იმის განხორციელებაა, რასაც გერინგი, გებელსი, ჰიმლერი, ბორმანი და სხვები მეორე საუკუნის 30-40-იან წლებში კაცობრიობის წინააღმდეგ ჩადიოდნენ.
• მსგავსი მტკიცება უკვე 15 მარტს ფეუსბუქმომხარებელმა, დავით ლორიამაც გაავრცელა და პოსტს ვიკიპედიის სტატიის სქრინშოტი და კრამონისა და გერინგის ფოტოები დაურთო.

მითების დეტექტორი მიუთითებს, რომ ეს ინფორმაცია მცდარია — ნაცისტური გერმანიის მაღალჩინოსანსა და ევროპარლამენტარს სხვასხვა გვარი აქვთ და არ არსებობს მტკიცებულება მათ ნათესაურ კავშირზე.

• "ქორწინებამდე ვიოლა ფონ კრამონის გვარი Gehring-ი, ხოლო ჰერმან გერინგის გვარი — Göring-ია", — ვკითხულობთ მასალაში.
• განმარტავენ, რომ ჩუბინიძის მტკიცება, რომ დაოჯახებამდე კრამონის გვარი გერინგი იყო, სიმართლეა, თუმცა გერმანული დამწერლობა Gehring-ია, რაც ნაცისტური გერმანიის ერთ-ერთ ყველაზე ცნობილი ფიგურის — ჰერმან გერინგის გვარიდან (გერმანულად: Göring) განსხვავდება.
• "რაც შეეხება დავით ლორიას პოსტს, მას წყაროდ ვიკიპედიის სტატიის სქრინშოტი მოჰყავს, სადაც კრამონის გვარზე ისრითაა მითითებული. ამ სტატიაშიც ფონ კრამონის ქალიშვილობის გვარად Gehring-ი და არა Göring-ია დასახელებული. იდენტური ინფორმაცია გვხვდება გერმანული ვიკიპედიის სტატიაშიც", — წერს მითების დეტექტორი.
• ასევე, აღნიშნავენ, რომ კრამონის გერინგთან დაკავშირება მის დისკრედიტაციას ემსახურება.

კრამონის თქმით, ქართველმა ტროლებმა რუსულ ტროლებსაც აჯობეს და "თვით ტროლის ჯილდო ამჯერად უცილობლად გადაეცემათ" მათ.

• ევროპარლამენტარი ამბობს, მისსა და ჰერმან გიორინგის შესაძლო ნათესავებად გამოცხადება მხოლოდ მათ მოუვათ თავში, ვინც დაოჯახებამდე მისი გვარის "გერინგი" რუსულ თარგმანს აიღებს.
• "გერინგი" და "გიორინგი" კირილიცათი ერთნაირად იწერება. ლათინურში კი ამ ორ გვარს არაფერი აქვს საერთო. ისევე, როგორც, საბედნიეროდ, არც მე მაკავშირებს რამე ნაციტს პოლიტიკოსსა და ომის დამნაშავე — ჰერმან გიორინგთან".

მეორე ფეიკი: კრამონისა და გერინგის ნათესაური კავშირის ძიება ევროპარლამენტის დისკრედიტაციის ერთადერთი მცდელობა არ იყო.

• აპრილის დასაწყისში, მას შემდეგ, რაც კრამონი თბილისში ვიზიტისას ლაზარე გრიგორიადისის მხარდამჭერ აქციაზე გამოჩნდა, ფეისბუქ ანგარიშები პროგრამულად დამუშავებულ ვიდეოს ავრცელებდნენ და ირწმუნებოდნენ, რომ იქ არაფხიზელ მდგომარეობაში მყოფი კრამონი ჩანდა.
• ვიდეოს 9-წამიანი ვერსია თავდაპირველად გიორგი იბერიელმა გაავრცელა.
• მითების დეტექტორმა დაადგინა, რომ პროგრამულად დამუშავებულ ვიდეოში კრამონის სახეა ჩასმული.
• ევროპარლამენტარი ფეიკ ვიდეოს აბსურდულსა და უხერხულს უწოდებს.
• "სიამოვნებთ წავიდოდი ქართულ ქორწილში, მაგრამ ჯერ არავის დავუპატიჟებივარ", — ამბობს ის.
• კრამონის განცხადებით, საინტერესო გარემოებაა ის, რომ ეს ვიდეო ძირითადად, მმართველი პარტიის მხარდამჭერებმა გააზიარეს და სავარაუდო დამკვეთიც აქ უნდა ვეძებოთ.
• "უმჯობესია ღია პოლიტიკური დისკუსიების გამართვა შეთითხნილი ვიდეოების გავრცელების ნაცვლად", — ამბობს ის.