"რუსეთის კანონი გეი პროპაგანდის შესახებ დისკრიმინაციულია და ჰომოფობიას ახალისებს" - ეს გადაწყვეტილება ევროპის ადამიანის უფლებათა სასამართლომ გამოიტანა. ინფორმაციას BBC ავრცელებს.

სტრასბურგის მოსამართლეების თქმით, რუსეთი დისკრიმინაციულად მოექცა სამ გეი აქტივისტს, რომლებიც კანონი გაპროტესტებისთვის დააპატიმრეს. სტრასბურგის სასამართლო აცხადებს, რომ რუსეთმა შელახა მათი გამოხატვის თავისუფლება.

სასამართლომ რუსეთს აქტივისტებისთვის ზიანის მიყენების გამო 8 000-დან 20 000 ევრომდე გადახდა დააკისრა.

კანონი, რომელსაც ლგბტ უფლებების დამცველი ჯგუფები გმობენ, ძალაში 2013 წელს შევიდა და ის კრძალავს 18 წლამდე ასაკის ადამიანებში "ჰომოსექსუალობის აგიტაციას". ამ დისკრიმინაციული კანონის დამრღვევები 5 000 რუბლით დაჯარიმდებიან, რაც 85 აშშ დოლარის ექვივალენტია.

"კანონი აძლიერებს სტიგმას, წინასწარგანწყობასა და ახალისებს ჰომოფობიას" - აცხადებს ევროსასამართლო.

რუსეთში ჰომოსექსუალობა 1993 წლიდანაა დეკრიმინალიზებული, თუმცა ქვეყანაში ანტი-ლგბტ განწყობები მაღალია.

რუსეთის მთავრობა აცხადებს, რომ აღნიშნული კანონით "მორალს" იცავს.