ინფორმაციას შინაგან საქმეთა სამინისტრო ავრცელებს.

რა მოხდა: თბილისში, ჟვანიას ქუჩაზე მომხდარი სროლისა და ფიზიკური დაპირისპირების ამსახველი ვიდეო სოციალურ ქსელში 7 აპრილს გავრცელდა.

  • კადრებში ჩანს, რომ ერთ-ერთი ავტომობილი მეორეს გამიზნულად ეჯახება, ქვეითად მყოფი 5-მდე პირი კი მანქანას ხელებსა და ფეხებს ურტყამს.
  • ვიდეოში ისმის სროლისა და გინების ხმებიც.

დეტალები: სამართალდამცავი უწყების ცნობით, ბრალდებულმა მის სახელზე შენახვის უფლებით რეგისტრირებული ცეცხლსასროლი იარაღიდან, რომელსაც მართლსაწინააღმდეგოდ ატარებდა, ერთჯერადად გაისროლა.

  • დაკავებულს ბრალდება სსკ-ის 236-ე მუხლის მე-4 ნაწილით (ცეცხლსასროლი იარაღის მართლსაწინააღმდეგო ტარება) წარედგინა, რაც 4-დან 7 წლამდე პატიმრობას ითვალისწინებს.

  • სამინისტროს განცხადებით, დაპირისპირებაში მონაწილე სხვა პირების დასადგენად გამოძიება გრძელდება.