სააღდგომო უქმეების მოახლოებასთან ერთად, ოჯახური დასვენების დაგეგმვის დრო დგება. დაგვეთანხმებით, რომ ამ პერიოდში, ყველა დედისთვის აქტუალური კითხვაა — რატომ ხდება ისე, რომ დასვენების ნაცვლად, ყველაზე მეტად ვიღლები? ყველაფერი იწყება შფოთვით, რომელიც მოსამზადებელ პერიოდს ახლავს თან რამე ხომ არ მრჩება?! ან ზედმეტი ხომ არ მიმაქვს?, გაერთობიან? მოეწონებათ? სასტუმროს კვება გასაგებია, მაგრამ კიდევ რომ მოშივდეთ?

და რადგან Gulf Aquamarine Hotel-ის მიმართ ყველაზე ხშირად დასმულ კითხვებს და დამსვენებლების უკუკავშირს გავეცანით, გადავწყვიტეთ პასუხები იმ 5 პრაქტიკულ რჩევად გარდაგვექმნა, რომლის გათვალისწინებით ოჯახური დასვენება სიამოვნებად იქცევა.

1. შეარჩიეთ ისეთი ლოკაცია, რომ მგზავრობამ არ გადაგღალოთ

დიახ, გაღიზიანებული ბავშვები, ხანგრძლივი მგზავრობისთვის დამზადებული წასახემსებლები, გზაზე პერიოდული შეჩერება ძალების აღსადგენად მხოლოდ მაშინ ღირს, თუ კონკრეტულ კურორტს ხანგრძლივი დროით უნდა ეწვიოთ. სააღდგომო დასვენება კი, სულ რამდენიმე დღეს გრძელდება, შესაბამისად, ამ შემთხვევაში საოჯახო განტვირთვის მოსაწყობად ქალაქის დატოვება სულაც არ არის საჭირო. შესაძლოა კომფორტული გარემო ცენტრიდან რამდენიმე წუთის მოშორებითაც იპოვოთ და საკურორტო გამოცდილება ასე მიიღოთ.

2. ისარგებლეთ საოჯახო პაკეტით ან ფასდაკლებით

სასტუმროები ითვალისწინებენ ოჯახის სხვადასხვა ასაკის წევრის საჭიროებებს და პაკეტებს ამის მიხედვით აკომპლექტებენ. შესაბამისად, თუ ნომერსა და აქტივობებს ცალ-ცალკე დაჯავშნით, შესაძლოა მეტის გადახდა მოგიწიოთ. ისარგებლეთ საოჯახო შეთავაზებებით, ეს მნიშვნელოვნად გიმცირებთ ხარჯს და გიზოგავთ ენერგიას, რომელიც თვითორგანიზებისას უნდა დახარჯოთ.

3. შეამცირეთ ბარგის ზომა

აქ შეიძლებოდა ყოფილიყო სტატისტიკური მონაცემი ბარგის იმ ნაწილის, რომელიც ყოველი შემთხვევისთვის მიგვაქვს დასვენებისას და არასოდეს ვიყენებთ. ჩალაგებისას გამოიყენეთ 5, 4, 3, 2, 1 პრინციპი, რაც გულისხმობს იმას, რომ ერთკვირიანი მოგზაურობისთვის უნდა შემოიფარგლოთ წინდებისა და საცვლების არაუმეტეს ხუთი კომპლექტით, ასევე წაიღოთ: ოთხი ზედა, სამი ქვედაბოლო, ორი წყვილი ფეხსაცმელი და ერთი ქუდი. სია უნდა იყოს მორგებული თქვენს საჭიროებებზე. ჩადეთ საცურაო კოსტიუმი და სავარჯიშო აღჭურვილობა ან ქურთუკი და კაბა თუ თვლით რომ დაგჭირდებათ, თუმცა ჩვეულებრივი უქმეებისას, არ დაგავიწყდეთ 5-4-3-2-1 პრინციპი.

გახსოვდეთ, ბავშვებთან ერთად დასვენება არ გულისხმობს გაუთვალისწინებელი შემთხვევების თავიდან ასარიდებლად ჩაბარგებულ ათობით ნივთს.

4. გადაანაწილეთ აქტივობები დღეების მიხედვით

დასვენებისას შესაძლოა არაფრის კეთებით დაიღალო. ამიტომ, გაითვალისწინეთ ოჯახის ყველა წევრის ინტერესი და წინასწარ განსაზღვრეთ აქტივობები, რომლითაც შეიძლება თითოეულ დღეს დაკავდეთ. ვის არ უყვარს აკვა პარკში გართობა? ან ცურვისგან დაღლილს გემრიელი კვება როგორ უნდა მოგბეზრდეს? შესაძლოა, სულაც, წიგნის კითხვის საათი ან საყვარელი სერიალის საყურებლად მოკალათებაა კარგი იდეა. მთავარია, დაახლოებით მაინც იცოდეთ, რომელი აქტივობებით დაკავდებით ერთად და ცალ-ცალკე.

5. შეარჩიეთ ნომერი სამზარეულოთი

თუ უქმეების გატარებას ბავშვებთან ერთად გეგმავთ, მათი სუსნის საჭიროება და მუდმივი მოთხოვნილება უნდა გაითვალისწინოთ, რის დასაკმაყოფილებლადაც ფინანსების, დროისა და ენერგიის დასაზოგად საუკეთესო გამოსავალი აპარტამენტის ტიპის ნომრის შერჩევაა, სადაც აღჭურვილი სამზარეულო დაგხვდებათ და მარტივი საკვების მომზადების საშუალება მოგეცემათ.

დაბოლოს ფსიქოლოგები, ბრიტანელი მეცნიერები, ექიმები, წინაპრები ან ვინც გნებავთ და ვისიც უფრო გჯერათ, გვირჩევენ, რომ საოჯახო დასვენებისგან მიღებული გამოცდილების მოლოდინები რეალისტურად დავსახოთ. თქვენ, ისევე უნდა ისიამოვნოთ უქმეებით, როგორც ოჯახის სხვა წევრებმა. ნუ ინერვიულებთ, შფოთავთ ან განიცდით თუ თქვენი ორგანიზებული დასვენება გეგმის მიხედვით არ წარიმართა, პირიქით, ისიამოვნეთ გაუთვალისწინებელი თავგადასავლით. ბედნიერ დასვენებას გისურვებთ!

რუბრიკის სპონსორია Gulf Aquamarine Hotel, 4-ვარსკვლავიანი სასტუმრო კომპლექსი, რომელიც თბილისის ზღვაზე, აკვაპარკ ჯინო ფერედაისის საკურორტო ზონაში მდებარეობს და მოიცავს აუზს, რესტორანს, ბარებს, საკონფერენციო სივრცეებს და წვეულების დარბაზს.