ამის შესახებ პარლამენტის თავმჯდომარემ აშშ-ის ელჩთან, კელი დეგნანთან შეხვედრის შემდეგ მედიასთან ისაუბრა.

რატომ არის მნიშვნელოვანი: 5 აპრილს აშშ-ის სახელმწიფო დეპარტამენტმა ლევან მურუსიძე, მიხეილ ჩინჩალაძე, ირაკლი შენგელია და ვალერიან ცერცვაძე დაასანქცირა.

  • სახელმწიფო დეპარტამენტის განცხადებით, მათ ბოროტად გამოიყენეს თანამდებობა, როგორც სასამართლოს თავმჯდომარეებმა და იუსტიციის უმაღლესი საბჭოს წევრებმა.
  • განცხადებაში აღნიშნულია, რომ მოსამართლეები "მნიშვნელოვან კორუფციულ საქმიანობაში ჩართულობის გამო" სანქცირდებიან.

დეტალები: პაპუაშვილი მოსამართლეების სანქცირებას პერსონალურ შეტევად და იარლიყების მიწებებად აფასებს.

  • ამბობს, რომ აშშ-ის ელჩს შეხვედრაზე დამატებითი ინფორმაცია, თუ რამ გამოიწვია მოსამართლეების დასანქცირება, მისთვის არ მიუწოდებია და მხოლოდ აღნიშნა ის, რომ გადაწყვეტილება დაფუძნებულია საჯარო წყაროებიდან მიღებულ ცნობებზე.
  • "საუბარია იმაზე, რომ თუ მტკიცებულებები არ არსებობს, გვაქვს მოლოდინი, რომ ეს შემზღუდავი ზომა იქნება გაუქმებული".