ინფორმაციას ამერიკელ ოფიციალურ პირებზე დაყრდნობით NBC News ავრცელებს.

რატომ არის მნიშვნელოვანი: ამერიკულ მედიაში გამოქვეყნებული ანგარიშის თანახმად, ჯაშუშური ბუშტი ჩინეთში მონაცემებს რეალურ დროში აგზავნიდა.

  • ბუშტი, რომელიც 60 მეტრი სიმაღლე იყო, სამხრეთ კაროლინას სანაპიროსთან აშშ-ს გამანადგურებელმა 4 თებერვალს ჩამოაგდო.
  • ინციდენტმა დიპლომატიური დავა გამოიწვია და აშშ-ს სახელმწიფო მდივანმა ანტონი ბლინკენმა ჩინეთში მოგზაურობა გააუქმა.

დეტალები: მედიის ცნობით, ჩინურმა ბუშტმა, რომელმაც წლის დასაწყისში აშშ-ს თავზე რამდენჯერმე გადაუფრინა, სამხედრო ბაზებიდან სადაზვერვო მონაცემების შეგროვება მოახერხა.

  • თუმცა აშშ-ს ოფიციალური პირები აცხადებენ, რომ მოახერხეს ბუშტისთვის დაზვერვის ცნობების შეგროვების შეზღუდვა.
  • თეთრ სახლს ინფორმაცია ოფიციალურად არ დაუდასტურებია.
  • ორშაბათს თავდაცვის დეპარტამენტის სპიკერმა განაცხადა, რომ FBI ჯერ კიდევ იკვლევს ბუშტის ნამსხვრევებს.
  • ჩინეთის ოფიციალური პირები აცხადებენ, რომ ის სამოქალაქო ამინდის ბუშტი იყო და აშშ-მა მასზე გადაჭარბებული რეაგირება მოახდინა.
  • აშშ-ის თავდაცვის დეპარტამენტი აცხადებს, რომ ჩინეთი საჰაერო ხომალდების ფლოტს მთელს მსოფლიოში ახორციელებს.