რუსი სამხედრო ბლოგერი, ვლადლენ ტატარსკი 2 აპრილს, სანქტ-პეტერბურგის კაფე "სტრიტფუდ ბარში" ააფეთქეს.

რატომ არის მნიშვნელოვანი: ტატარსკი უკრაინის წინააღმდეგ ომის აქტიური მხარდამჭერი იყო და იზიარებდა კრემლის იდეოლოგიას.

  • ტატარსკის ტელეგრამზე 500 000-ზე მეტი მიმდევარი ჰყავდა და განსაკუთრებით ცნობილი გახდა მას შემდეგ, რაც კრემლში გადაღებული ვიდეო გამოაქვეყნა, სადაც ამბობდა: "ჩვენ მოვკლავთ ყველას, გავძარცვავთ ყველას, დავამარცხებთ ყველას, ისე, როგორც ამას ვაკეთებთ ხოლმე".
  • ადგილი, სადაც იგი მკითხველებთან შეხვედრის დროს ააფეთქეს, რუსული კერძო სამხედრო დაჯგუფების მეთაურს, ევგენი პრიგოჟინს ეკუთვნოდა.

დეტალები: რუსეთის ხელისუფლება მომხდარს იძიებს, როგორც განზრახ მკვლელობას.

  • ადგილობრივი მედიის ცნობით, რუსეთმა ძებნილად გამოაცხადა მკვლელობაში ეჭვმიტანილი, 26 წლის დარია ტრეპოვა.
  • რუსული სახელმწიფო მედიის ცნობით, შეხვედრაზე თათარსკის საჩუქრად ყუთში ჩადებული ქანდაკება გადასცეს, რომელშიც ბომბი იყო დამალული.
  • უკრაინის პრეზიდენტის მრჩეველმა, მიხაილო პოდოლიაკმა აფეთქება რუსულ "შიდა პოლიტიკურ ბრძოლას" დაუკავშირა და განაცხადა, რომ "ქილაში ობობები ერთმანეთს ჭამენ".